މާލެ ސިޓީ ކައުންސިލުން މާލޭގެ އެކި ސަރަޙައްދުތަކުގައި އިސްލާމީ ރިވެތި އިރުޝާދުދޭ ބޯޑުތަކެއް ހަރުކޮށްފިއެވެ.
މި ބޯޑުތައް މާލޭގެ އެކި ސަރަޙައްދުތަކުގައި ހަރުކޮށްފައިވަނީ އިއްޔެގައެވެ. މިފަދަ ރިވެތި އިރުޝާދުދޭ ބޯޑުތައް ހެދުމަކީ މާލެ ސިޓީ ކައުންސިލްގެ ސްޓްރެޓެޖިކް އެކްޝަން ޕްލޭނުގެ ދަށުން ކުރުމަށް ނިންމާފައިވާ ކަމެކެވެ. މި ބޯޑުތަކުގެ ބޭނުމަކީ ރިވެތި އުސޫލުތައް އާންމު ރައްޔިތުންނަށް ކިޔައިދިނުމާއި ރިވެތި އުސޫލުތަކުން ކަންކަން ކުރުމަށް މީހުންނަށް ބާރުއެޅުމެވެ.
މި މަސައްކަތްފެށިގެން ދިޔަކަން ހާމަކުރައްވާ ކުރެއްވި ޓްވީޓެއްގައި މާލެ ސިޓީގެ މޭޔަރު ޑރ މުޙައްމަދު މުޢިއްޒު ވިދާޅުވީ ރިވެތި އިރުޝާދުދޭ ކުދި ބޯޑުތަކުގެ އިތުރުން މިފަދަ އިރުޝާދުދޭ ބޮޑަތި ބޯޑުތައްވެސް ކުރިއަށް އޮތް ދުވަސްތަކުގައި މާލޭގެ އެކި ސަރަޙައްދުތަކުގައި ހަރުކުރެވިގެންދާނެ ކަމަށެވެ.
MCC ge Strategic Action Plan gai himeney kamehkamugaivaa 'rivethi irushad dhey board' thah Male city ge eki hisaabugai harukurumuge masakkai miadhu vanee feshifai.Kudhi board thakuge ithurun bodethi board thahves meehunnah ginain fennaane hisaabuthakugai harukureveyne IA pic.twitter.com/vfyBX7EVpt
— Dr Mohamed Muizzu (@MMuizzu) April 21, 2022
މާލެ ސިޓީ ކައުންސިލުން ރިވެތި އުސޫލުތަށް އަންގައިދޭ ބޯޑުތަށް މާލެ ސިޓީގެ އެކި ސަރަޙައްދުތަކުގައި ހަރުކުރުމުން އެކިއެކި ދީނީ އިލްމުވެރިނާއި އާންމު ރައްޔިތުން އަންނަނީ ޝޯޝަލް މީޑިއާގައި މޭޔަރަށާއި ކައުންސިލަށް ތަޢުރީފުކުރަމުންނެވެ. ރިވެތި އިރުޝާދުދޭ މި ބޯޑުތައް ފަރުމާކޮށްފައިވަނީ ކަމާއިބެހޭ ފަންނީ މީހުންގެ އިރުޝާދާއި ލަފާގެ މަތިންނެވެ.
Mee kurevvi varah ves heyo kameh.
Mikamugai Mayer aa MCC ah shukuru dhannavan.
Adhi kuriyah oyih thaaga Hulhumale aa Viligili ga ves mifadha board tha fenigen dhaanekamah ummeedhu kuran. https://t.co/AhntThjwpM— Abdulla Saudhan ???????????????????? (@Saudhan) April 22, 2022
"ޗާލު މާލެ ސިޓީ" މި ޝިއާރުގެ ދަށުން މާލެ ސިޓީއަށް ހިތްގައިމުކަން ގެނެސްދިނުމަށް، މަގުތަކުގެ ފަރުމާއަށް ގެންނަންޖެހޭ ބަދަލުތައް ގެނެސް، މަގުމަތި ބޭނުންކުރުމުގެ ހަމަތައް އެކަށައަޅައި، މުޅި ރަށް ފެހިކޮށް، ކުނީގެ އުނދަގުލުން ރައްޔިތުން ސަލާމަތްކޮށް، ނަމޫނާ ފަރުމާތަކަކަށް އިޖްތިމާޢީ އަދި އިޤްތިޞާދީ ބޭނުމަށް ތަންތަން ފަރުމާކުރުމަކީ ކައުންސިލްގެ އެއް އަމާޒެކެވެ.
