ފިލްމީތަރި މުހައްމަދު ޔުނާން އާއި އޭނާގެ އަނބިމީހާ ހައްޔަރުކޮށްފިއެވެ.
ޔުނާން އާއި އޭނާގެ އަނބިމީހާ ފާތިމަތު ރިހުލާގެ މައްޗަށް ތުހުމަތު ކުރެވެނީ ކުޑަފިރިހެން ކުއްޖަކާއި ބަދުއަޙްލާޤީ އަމަލު ހިންގި ކަމުގެ ތުހުމަތެވެ.
ވަކި ބައެއްގެ ނަން ހާމަ ނުކޮށް ފުލުހުން ވިދާޅުވީ ހުޅުމާލޭގައި އުމުރުން 15 އަހަރުގެ ފިރިހެން ކުއްޖަކާއެކު ގަދަކަމުން ބަދުއަހުލާގީ އަމަލު ހިންގިކަމުގެ މައްސަލައެއް ހޮނިހިރު ދުވަހު ހުށަހަޅާފައިވާ ކަމަށެވެ. އަދި އެ މައްސަލައިގައި އުމުރުން 30 އަހަރުގެ އަންހެނަކާއި 29 އަހަރުގެ ފިރިހެނަކު ހައްޔަރުކޮށްފައިވާ ކަމަށް ފުލުހުން ވަނީ ބުނެފައެވެ.
މި މައްސަލާގައި ޔުނާންގެ ދެމަފިރިން ހައްޔަރުކުރަން ގޮވާލައި ހުޅުމާލޭގައި އިއްޔެ ހަވީރު ބަޔަކު އަޑު އުފުލައި ޔުނާން އުޅޭ ގެ ކައިރި އަށް ވެސް އެއްވެފައިވެ އެވެ. އަދި އޭގެ ފަހުން ޔުނާން އާއި އޭނާގެ އަންހެނުން ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ. ފުލުހުން ބުނީ އެއީ ރައްކާތެރިކަމަށް އެދުމުން ޕޮލިސް ސްޓޭޝަނަށް ގެންދިޔަ ދެ މީހުން ކަމަށާއި އޭރު އެމީހުން ހައްޔަރުކޮށްފައި ނުވާ ކަމަށެވެ.
މައުލޫމާތު ލިބިފައިވާގޮތުގައި ފުލުހުންގެ ބެލުމުގެ ދަށުން ރިހުލާ ގެންދިޔައީ ދޫނިދޫ ޖަލަށެވެ. ޔުނާން ހުރީ މާލެ ޖަލުގައެވެ.
ކޮމެންޓު ފޮނުވާ