ހުޅުމާލެ ދެވަނަ ފިޔަވަހީފައި ހިޔާ ފްލެޓް ސަރަހައްދަށް ދިމާވެފައިވާ ކުނީގެ މައްސަލަ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން ހައްލުކޮށްފިއެވެ.ހިޔާ ޓަވަރުގެ އެކި ސަރަޙައްދުތަކުގައި ގޭގޭގައި އުފައްދާ ކުނިވާޒާތުގެ ކުނި ބަހައްޓަމުންދާތީ، އެ މައްސަލަ ޙައްލުކުރުމުގެ މަސައްކަތް ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީއާއި ވޭސްޓް މެނޭޖްމަންޓް ކޯޕަރޭޝަން ވެމްކޯ ގުޅިގެން ވަނީ ފަށާފައެވެ.
ހިޔާ ސަރަހައްދުގައި ފްލެޓްތައް މަރާމާތުކުރުމަށްފަހު ގިނަ ޢަދަދެއްްގެ ޢިމާރާތްކުރާ ސާމާނުތައް ހުރުމުން އެސަރަހައްދުގެ ސާފްތާހިރުކަން އޮތީ ގެއްލިފައެވެ. އެހެންކަމުން އެޗްޑީސީން ވަނީ 7 ދުވަހުގެ މަސައްކަތުން މިހާތަނަށް އަޅާފައިވާ ކުނިތައް އެއްކޮށް ނަގާ ސާފުކޮށްފައެވެ. އެޗްޑީސީން ބުނީ، މަދުވެގެން ދުވާލަކު އެއްފަހަރު ކުނި ނެގުމަށް މިހާރު ވަނީ ކަނޑައަޅާފައިވާކަމަށެވެ.
ހިޔާ ފުލެޓު ސަރަހައްދުގައި ދިމާވެފައިވާ ކުނީގެ މައްސަލަތައް ހައްލުކުރުމަށް އަޅުގަނޑުމެން މިދަނީ މަސައްކަތްކުރަމުން.
އެގޮތުން 7 ދުވަހުގެ މަސައްކަތުން މިހާތަނަށް އަޅާފައިވާ ކުނިތައް އެއްކޮށް ނަގާ ސާފުކޮށް، މަދުވެގެން ދުވާލަކު އެއްފަހަރު ކުނި ނެގުމަށް މިހާރު ވަނީ ކަނޑައަޅާފަ. pic.twitter.com/IziH55hP26
— HDC (@hdcmaldives) October 11, 2021
އެޗްޑީސީއާއި ވެމްކޯ ގުޅިގެން މީގެ ކުރިން ވަނީ ހިޔާ ޓަވަރުތައް ހިމެނޭ 6 ސަރަޙައްދެއްގައި، ކުނިވާޒާތުގެ ކުނި އެޅުމަށް ޑަސްބިންތައް ބަހައްޓާފައެވެ. އެގޮތުން ކޮންމެ ސަރަޙައްދެއްގައި 5 ޑަސްބިނާއެކު ޖުމްލަ 30 ޑަސްބިން ވަނީ، ގޭގެއިން އުފައްދާ ކުނިވާ ޒާތުގެ ކުނި އެޅުމަށް ބަހައްޓާފައެވެ. ޑަސްބިން ބަހައްޓާފަވާ ސަރަޙައްދުތަކަކީ ހިޔާ-05، ހިޔާ-08، ހިޔާ-09، ހިޔާ-12، ހިޔާ-13 އަދި ހިޔާ-16 ޓަވަރު ހިމެނޭ ސަރަޙައްދެވެ. މި ޑަސްބިންތަކަށް އެއްކުރާ ކުނި، ވެމްކޯއިން ކޮންމެ ދުވަހަކުވެސް އުކާލާނެއެވެ. މިއީ ކުނީގެ މައްސަލަ ޙައްލުކުރުމަށް ވަގުތީގޮތުން އަޅާފައިވާ ފިޔަވަޅެކެވެ.
