ހިޔާ ފްލެޓަކީ ކުރީ ސަރުކާރުން ކުރެއްވި ވަރަށް ބޭކާރުކަމެއްކަމަށްބުނެ ރައްޔިތުންގެ މަޖިލީހުގެ ހޮޅުދޫ ދާއިރާގެ މެންބަރު ޔޫނުސް އަލީ ދެއްކި ވާހަތަކަކީ، 30،000 އާންމު ރައްޔިތުންނަށް ހަޖޫ ޖެއްސެވުމެއް ކަމުގައި ފްލެޓް "އާންމު އެކުރިންގެ ޖަމްއިއްޔާ" އިން ބުނެފިއެވެ.

މަޖިލީހުގައި ޔޫނުސް ދެއްކެވި ވާހަތަކާއި ގުޅިގެން އާންމު އެކުވެރިންގެ ގުޅުމުން ބުނެފައިވަނީ ގަވާއިދު ބުނާ ރައްޔިތުންގެ މަޖިލީހުގެ ހޮޅުދޫ ދާއިރާގެ މެމްބަރު ޔޫނުސް 30،000 އާންމުންގެ ދިރިއުޅުމުގެ ހާލަތަށް ހަޖޫ ޖެއްސެވީ އާންމު މީހުންގެ ހާލަތު އެނގިވަޑައި ނުގަންނަވާތީ ކަމެއް ސާފު ނުވާކަމަށެވެ.

މަޖިލިސް މެންބަރެއްގެ ހައިސިއްޔަތުން މަނިކުފާނު ކުރައްވަވަންވީ ކަމަކީ އާންމުންނަށް ހަޖޫ ޖެއްސެވުމެއް ނޫން. މަނިކުފާނު ކުރައްވަވަން ވީ ކަމަކީ އާންމުންނަށް ފްލެޓުގެ ތޮށި ގަނޑު ދީފައި، ފިނިޝިން ނިންމުން އާންމުން ބޮލަށް ޖަހައި، ތަނުގެ ކުލި 5،600 އިން 7،500 ބޮޑު ކުރިކުުރުން ކުށްވެރިކޮށް، އާންމުންގެ ހައްގުގައި ވަކާލުތުކޮށް، ވެވެން އޮތް އެހީއެއްވުން.

– ޖަމްއިއްޔާއިން ބުނެފައިވެއެވެ.

ހިޔާ މަޝްރޫޢުގެ އަގުތަކާއި ގުޅޭގޮތުން ޔޫނުސް ދެއްކެވި ވާހަތަކަށް ރައްދު ދެއްވަމުން އާންމު އެކުވެރިންގެ ޖަމްއިއްޔާއިން ބުނެފައިވަނީ، މަޝްރޫއެއްގެ "ކޮންސްޓްރަކްޝަން ކޮސްޓާއި" "ފައިނޭންޝިއަލް ކޮސްޓުގެ" ތަފާތަކީ ކޮބައިކަން އިއްޒަތްތެރި މެންބަރަށް އެނގިވަޑައި ނުގަންނަވާނަމަ މަޝްރޫއުތަކުގެ އަގުގެ ވާހަަކަ ދައްކަވަައިގެން ނުވާނެކަމަށެވެ.

އާންމުން މިހާރު އުޅޭ ހާލަތާއި، ކުއްޔަށް ހޭދަ ކުރާވަރު އެނގިވަޑައި ނުގަންނަވާނަމަ، ބޯހިޔާވަހިކަމުގެ ވާހަކަ ދައްކަންވަން ހައްދަވައިގެން ވެއްޓޭނީ ތިމަން މަނިކުފާނާއި ހޮޅުދޫ ދާއިރާ މީހުންގެއަގު. ސަރުކާރު ހިންގާ މައި ޕާޓީގެ މެންބަރެއްގެ ހައިސިއްޔަތުން މަނިކުފާނު ވީ ބަސްމަދުކޮށް، އަމަލު ގިނަކޮށް، ހިޔާ ފްލެޓު ތަަކަށް ވުރެ ބޮޑު ފްލެޓުތައް، އެއަށް ވުރެ ކުޑަ އަގުގައި އަޅުވަން ބާރު އަޅާށެވެ.

– ޖަމްއިއްޔާއިން ބުނެފައިވެއެވެ.

ބޯހިޔާވަހިކަމުގެ މައްސަލައާ ގުޅޭގޮތުން ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އިބްރާހީމް ރަޝީދު ހުށަހަޅުއްވާފައިވާ މައްސަލައިގައި ބަހުސަށް ހުޅުވާލުމުން ވާހަކަ ދައްކަވަމުން ހޮޅުދޫ ދާއިރާގެ މެންބަރު ޔޫނުސް ޢަލީ ވިދާޅުވީ، ހިޔާ މަޝްރޫޢަކީ، މިހާތަނަށް ސަރުކާރަކުން ހިންގި އެންމެ ބޭކާރު، އެންމެ ޚަރަދު ބޮޑު މަޝްރޫޢުކަމަށެވެ. އަދި އެ މަޝްރޫޢު ނިންމާފައިހުރީ ހަމައެކަނި ހަތަރު ގަނޑު ފާރުކަމަށާއި، ފްލެޓްތަކަށް ބޭނުންވާ އަސާސީ އެއްވެސް ޚިދުމަތެއްވެސް ޤާއިމުކޮށްފައިނުވާކަމަށެވެ.

މިއަދު މާލެ ސިޓީގައި ކޮންކްރީޓް އަކަފޫޓަކަށް ޖެހެނީ ގާތްގަނޑަކަށް 100 ޑޮލަރުކަން ފާހަގަކުރައްވާ ޔޫނުސް ވިދާޅުވީ، ހިޔާ މަޝްރޫޢުގެ ދެ ކޮޓަރީގެ ފްލެޓަކަށް 62000 ޑޮލަރު ޚަރަދުކޮށް ބޭކާރުކޮށްފައިވާކަމަށެވެ. ޔޫނުސް ވިދާޅުވީ، ހިޔާ ފްލެޓްތަކާއި ހުޅުމާލޭ ދެވަނަ ފިޔަވަހީގެ މަސައްކަތްތައް ކުރީ ސަރުކާރުން ކޮށްފައިވަނީ ވަކި ބައެއްގެ ޖީބަށް މަންފާވާގޮތަށް ކަމަށެވެ. އަދި ހިޔާ ފްލެޓްތައް 5600 ރުފިޔާއަށް ވިއްކަން އެޗް.ޑީ.ސީއަށް ސިޓީ ފޮނުވީ، ވެރިކަން ގެއްލުނު ހިސާބުންކަމަށާއި، އޭގެ ކުރިން ހިޔާ މަޝްރޫޢުގެ އަގާ ބެހޭގޮތުން އެއްވެސް ވާހަކައެއް ކުރީ ސަރުކާރުން ދައްކާފައި ނުވާކަމަށްވެސް އޭނާ ވިދާޅުވިއެވެ.