"ވާނުވާ" ބަންދުގައި، ނުވަތަ ޝަރީއަތް ނިމެންދެން ބަންދުގައި ތިބި މީހުން އިލެކްޓްރޯނިކް ޓެގް އެޅުވުމަށްފަހު، ކޯޓުން ކަނޑައަޅާ ޝަރުތުތަކާއެކު މިއަދު ދޫކުރަން ފަށައިފިއެވެ.
ރައީސް ޑރ. މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ، ޝަރީއަތް ނިމެންދެން ބަންދުގައި ތިބި މީހުންގެ މައްސަލަތައް ހައްލުކުރުމަށް ދައުލަތުގެ އިދާރާތަކުން ގުޅިގެން ކުރަމުންދާ މަސައްކަތުގެ ދަށުން، އިލެކްޓްރޯނިކް މޮނިޓަރިންގ ނިޒާމެއް މެދުވެރިކޮށް ބަންދަށް ލުއި ދިނުމުގެ ޕްރޮގްރާމް މިއަދު ފެށިފައިވާ ކަމަށެވެ.
"މިއަދު ފެށުނު މި މަސައްކަތުގެ ސަބަބުން ޒަމާންވީ މި މައްސަލައަށް ހައްލުތަކެއް ލިބި، ޝަރުތު ފުރިހަމަވާ ފަރާތްތަކުގެ ބަންދަށް ލުއިތަކެއް ދެވޭނެ،" ކަމަށް ރައީސް ވިދާޅުވިއެވެ.
މި ޕްރޮގްރާމްގެ ދަށުން ކޯޓުން ކަނޑައަޅާ ޚާއްސަ ޝަރުތުތަކާއެކު، އިލެކްޓްރޯނިކް ޓެގް އެޅުވުމަށްފަހު ބަންދުގައި ތިބި ބައެއް މީހުން ދޫކުރެވޭނެއެވެ. މިއީ "ވާނުވާ" މައްސަލައިގައި ދިގު މުއްދަތަކަށް ބަންދުގައި ތިބި މީހުންނަށް ލުއެއް ހޯދައިދިނުމަށް ސަރުކާރުން ކުރާ މަސައްކަތުގެ ބައެކެވެ.
ޝަރީޢަތް ނިމެންދެން ބަންދުގައި ތިބި މީހުންގެ މައްސަލަތަކަށް ޙައްލެއް ހޯދުމަށްޓަކާ ދައުލަތުގެ އިދާރާތަކުން ގުޅިގެން ކުރަންފަށާފައިވާ މަސައްކަތްތަކުގެ ތެރެއިން ކޯޓުން ކަނޑައަޅާފައިވާ ޝަރުތުތަކާއެކު އިލެކްޓްރޯނިކް މޮނިޓަރިންގ ނިޒާމެއްގެ ތެރެއިން ބަންދަށް ލުއި ދިނުމުގެ ކަންކަން…
— Dr Mohamed Muizzu (@MMuizzu) May 28, 2025
ތަފްސީލް އަންނަނީ..
ކޮމެންޓު ފޮނުވާ