އެމެރިކާގެ މިހާރުގެ ނައިބު ރައީސް ކާމަލާ ހެރިސް ބަލިކޮށް، ކުރީގެ ރައީސް ޑޮނަލްޑް ޓަރަމް އެމެރިކާގެ ރިޔާސީ އިންތިޚާބު ކާމިޔާބު ކުރައްވައިފިއެވެ. މިއީ ޓްރަމްޕް އެމެރިކާގެ ރައީސްކަމަށް ވަޑައިގަންނަވާ ދެވަނަ ފަހަރެވެ. އަދި ޓްރަމްޕް ވެވަޑައިގަންނަވާނީ އެމެރިކާގެ 47 ވަނަ ރައީސް ކަމުގައެވެ.
މީގެ ކުރިން ޓްރަމްޕް އިންތިޚާބު ވެވަޑައިގަތީ، 2018 ވަނަ އަހަރު ބޭއްވުނު އެމެރިކާގެ ރިޔާސީ އިންތިޚާބު ކާމިޔާބު ކުރައްވާ އެމެރިކާގެ 45 ވަނަ ރައީސް ކަމުގައެވެ. ޖެހިގެން އައި 2020 ވަނަ އަަހަރުގެ ރިޔާސީ އިންތިޚާބުގައި މިހާރުގެ ރައީސް ޖޯ ބައިޑްންއާ ވާދަކުރައްވާ ޓަރަމްޕް ބަލިވެވަޑައިގަތުމަށް އޭނާވަނީ ދެ ފަހަރެއްގެ މަތިން އިމްޕީސްވެސް ކޮށްފައެވެ. އަދި އެއަށްފަހު ޓްރަމްޕްގެ މައްޗަށް އެތައް ދައުވާތަކެއް އުފުލި، އެމެރިކާގެ ކޯޓުތަކުގައި މިހާރުވެސް އެ ދައުވާތައް ދަނީ ކުރިޔަށެވެ.
މިފަހަރުގެ ރިޔާސީ އިންތިޚާބު ކާމިޔާބު ކާމިޔާބު ކުރެއްވުމާއެކު ޓްރަމްޕް ވެވަޑައިގެންފައިވަނީ އެމެރިކާގެ ތާރީޚުގައި، ޖެހިޖެހިގެން ނޫން ގޮތުގަ ދެދައުރު އެމެރިކާގެ ރައީސްކަން ކުރައްވާ ދެވަނަ ރައީސް ކަމުގައެވެ. ޖެހިޖެހިގެން ނޫން ގޮތުގަ އެމެރިކާގެ ރައީސް ޓްރަމްޕް ފިޔަވާ ކުރައްވާފައިވަނީ 1890 ވަނަ އަހަރުއެވެ.
ރިޔާސީ އިންތިޚާބު ކާމިޔާބު ކުރެއްވުނުކަން އިއުލާން ކުރައްވަމުން ޓްރަމްޕް މިއަދު އޭނާއަށް ތާއީދުކުރާ މީހުންނާ މުޚާތަބްކޮށް ވާހަކަ ދައްކަވަމުން ވިދާޅުވެފައިވަނީ އޭނާ ވެވަޑައިގަންނަވާނީ އެކެރިކާގެ ހުރިހާ ރައްޔިތުންގެވެސް ރައީސްކަމަށް ކަމަށާއި، އޭނާގެ ހުރިހާ ވަގުތެއްވެސް ހުސްކުރައްވާނީ އެމެރިކާއަށް ޚިދުމަތް ކުރުމަށް ކަމުގައެވެ.
ތަފްސީލް އަންނަނީ..
