އުމްރާއަށް ފުރާ މީހުންގެ އަދަދު އިތުރުވެ، އެއަރޕޯޓު ތޮށްޖެހިފައިވާ ކަމަށާއި، އެއަރޕޯޓުން ޚިދުމަތް ހޯދުމަށް މުވައްޒަފުންގެ އެހީތެރިކަން ހޯދުމަށް އެމްއޭސީއެލްއިން އިލްތިމާސް ކޮށްފިއެވެ.
މިއަދު މީހުން އުމުރާއަށް ފުރަން ފެށުމާއެކު އެމްއޭސީއެލްއިން ކުރި އެކްސް ޕޯސްޓެއްގައި ބުނެފައިވަނީ އުމްރާގެ ފަސިންޖަރުންގެ އަދަދު ގިނަވުމުގެ ސަބަބުން ޑިޕާޗާ އަދި އެރައިވަލް ޓާމިނަލްތަކުގެ ޓްރެފިކް ދަނީ އިތުރުވަމުން ކަމުގައެވެ. އަދި ފަސޭހަ ކަމާއެކު ޚިދުމަތް ހޯދުމަށް މުވައްޒަފުން ދޭ އިރުޝާދަށް ތަބާވުމަށް އެ ކުންފުނިން ވަނީ އެދިފައެވެ.
އަދި ތޮށްޖެހުން ކުޑަކުރުމަށް އާއިލީ މެމްބަރުން އެއްތަނަކަށް ޖަމާވުން ވީހާވެސް ކުޑަކުވުމަށްވެސް އެމްއޭސީއެލްއިން އިލްތިމާސް ކޮށްފައި ވެއެވެ.
މި ދުވަސްވަރަކީ ސައުދީއަށް ފިނި ދުވަސްކޮޅެއް ކަމަށްވުމުން އުމުރާއަށް ފުރާ މީހުންގެ އަދަދު ވަނީ ވަރަށް ބޮޑަށް އިތުރުވެފައެވެ. އެގޮތުން ހައްޖާއި އުމުރާއަށް މީހުން ފޮނުވާ ގިނަ ގްރޫޕްތަކުން މިދުވަސްވަރު ދަނީ ގިނަ ބަޔަކު އުމުރާގެ އަޅުކަން ކުރުމަށް މީހުން ފޮނުވަމުންނެވެ.
ކޮމެންޓު ފޮނުވާ