ހަމާސްއިން އިސްރާއީލުގެ އިސްތިއުމާރާ ދެކޮޅަށް ފެށި "އަގްސާ ތޫފާން" އޮޕަރޭޝަންގައި ހަމާސްގެ މުޖާހިދުންވަނީ ޣައްޒާ ހުރަސްކޮށް އިސްރާއީލުގެ އެތެރެއަށް ވަދެ އިސްރާއީލުގެ އެތައް އަވަށަކާއި އިސްރާއީލު ސިފައިންގެ އަސްކަރީ މަރުކަޒުތަކެއް ހިފާފައެވެ.
އިސްރާއީލްގެ ޔަހޫދީންނާއި ދެކޮޅަށް ހަމާސް ޖަމާއަތުން ކުރަމުން އަންނަ މި ހަނގުރާމައަކީ ޔަހޫދީންނަށް ކުއްލި ސިހުމެއް ގެނެސްދިން ކަމެކެވެ. ޔަހޫދީން ވަޒަންވެރިވެގެން ތިބޭ އެތަކެއް ތަނަކަށް ހަމާސް ޖަމާއަތުގެ ހަނގުރާމަވެރިން ވަދެފައިވާއިރު، ހަމަލާތަކުގައި ގިނަ ބަޔަކު ވެސް ވަނީ މަރާލާފައެވެ.
ހަމާސްއިން ފޮނުވާލި ހަމަލާއާއި ގުޅިގެން އިސްރާއީލުން ވެސް ވަނީ ބަދަލު ހިފުމަށް ހަމަލާތަކެއް ދީފައެވެ. އަދި ބައެއް ގައުމުތަކުން އިސްރާއީލާއި އެއްކޮޅަށް އަރާފައިވާއިރު، ޣައްޒާއަށް އެހީދެމުން ދިޔަ ބައެއް ގައުމުތަކުން ވަނީ އެހީ ދިނުން ވެސް ހުއްޓާލާފައެވެ.
ހަނގުރާމައިގެ ތެރޭގައި ޔަހޫދީންގެ ޔަހޫދިންގެ އެތައްބަޔަކު މަރުވެފައި ވާއިރު ގިނަ އަދަދެއްގެ ޔަހޫދީން ހަމާސްގެ އަތްދަށުގައި ރަހީނުވެފައި ވެއެވެ. މީގެ އިތުރުން ފަލަސްތީނުގެ ގިނައަދަދެއްގެ އާންމު ރައްޔިތުން ވެސް ވަނީ ޝަހީދުވެފައެވެ.
ހަމާސްގެ އިތުރުން ލުބުނާނުގެ ހިޒްބުއްﷲ ހަނގުރާމަވެރިންވެސް މިހާރު އަންނަނީ އިސްރާއީލާއި ދެކޮޅަށް ހަނގުރާމަ ކުރަމުންނެވެ.
ކޮމެންޓު ފޮނުވާ