އިސްރާއީލާއި ފަލަސްތީނުގެ މިނިވަންކަމަށް ހަނގުރާމަކުރަމުންދާ ހަމާސް ޖަމާއަތުގެ ހަގުރާމައަކީ އެމެރިކާގެ ޚާރިޖީ ސިޔާސަތުގެ ނާކާމިޔާބުވުމުގެ ނަތީޖާކަމުގައި ރަޝިއާގެ ރައީސް ލާޑިމިރު ޕުޓިން ވިދާޅުވެއްޖެއެވެ.
އިސްރާއީލާއި ހަމާސްގެ އެންމެ ފަހުގެ ހަނގުރާމައާ ގުޅޭ ގޮތުން ރަޝިޔާގެ ރައީސް ލަޑިމިއާ ޕޫޓިން ފުރަތަމަ ފަހަރަށް ވާހަކަ ދައްކަވާފައިވަނީ މިއީ އެމެރިކާގެ ހާރިޖީ ސިޔާސަތު ފެއިލްވުމުގެ ނަތީޖާއެއްގެ ގޮތުގައި ސިފަކުރައްވަމުންނެވެ. އިރާގުގެ ބޮޑުވަޒީރު މުހައްމަދު އަލް ސޫދާނީއާ އެކު މަޝްވަރާތައް ފައްޓަވަމުން ޕޫޓިން ވިދާޅުވީ މިއީ މެދުއިރުމަތީގައި އެމެރިކާގެ ސިޔާސަތުތައް ފެއިލްވެފައިވާ ކަމުގެ ސާފު މިސާލެއް ކަމަށް ގިނަ ބަޔަކު އޭނާއާ އެއްބަސްވާނެ ކަމުގައެވެ.
ޕުޓިން އިތުރަށް ވިދާޅުވި ގޮތުގައި އެމެރިކާ އިން މަސައްކަތް ކުރީ އިސްރާއީލުން ކޮށްފައިވާ އާބާދީތައް އެއްފަރާތެއްގެ ބާރުގެދަށުގައި ބޭއްވުމަށް ކަމަށާއި، އަދި ހިތާމައަކީ ދެ ފަރާތަށް ވެސް ބަލައިގަނެވޭނެ ފަދަ އެއްބަސްވުންތަކެއް ހޯދުމަށް މަސައްކަތް ނުކުރުން ކަމުގައެވެ. ޕުޓިން ވިދާޅުވީ ކަމަށާއި ކަންކުރަންވީ ގޮތާ މެދު އެމެރިކާގެ އަމިއްލަ ވިސްނުން ތަންފީޒު ކުރަން މަސައްކަތް ކުރަމުންދަނީ ދެ ފަރާތަށް ވެސް ޕްރެޝަރު ކޮށްގެން ކަމުގައެވެ.
ޕުޓިން ވިދާޅުވީ ފަލަސްތީނުގެ މިނިވަން ދައުލަތެއް އުފައްދަން ގޮވާލާ އދ.ގެ އާންމު މަޖިލީހުގެ ގަރާރުތަކަށް އިހުމާލުވެ، ފަލަސްތީނުގެ ރައްޔިތުންގެ މުހިންމު މަސްލަހަތަށް ރިއާޔަތް ކުރުމުގައި އެމެރިކާ ފެއިލްވެފައިވާ ކަމަށެވެ.
