ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ މެމްބަރު ސައުދު ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުގެ ކެމްޕޭނާއި ގުޅި އުފަންރަށް ތިނަދޫއަށް ވަޑައިގެންފިއެވެ.
ޕީޕީއެމްއާއި ދުރުގައި ގިނަ ދުވަސްތަކެއް އުޅުއްވުމަށްފަހު އަލުން ޕީޕީއެމްގެ ހަރަކަތްތަކާއި ގުޅި ތިނަދޫއަށް ސައުދު ވަޑައިގެންނެވުމުން އެރަށުގެ ޕީޕީއެމްގެ ގިނަ ބަޔަކު ވަނީ ސައުދަށް ވަރަށް ހޫނު މަރުހަބާއެއް ކިޔާފައެވެ. ސައުދަކީ ތިނަދޫގެ ރައްޔިތުންގެ ތައީދު ބޮޑު ރައްޔިތުންނާއި ގުޅޭ ބޭފުޅެކެވެ.
ސައުދު ތިނަދޫއަށް ވަޑައިގެންނެވީ ޑރ.މުއިއްޒުއައި، ހުސެއިން މުހައްމަދު ލަތީފަށް ތާއީދު ހޯދައި، އިންތިޚާބުގައި ތިނަދޫގެ މެޖޯރިޓީ ހޯދުމަށް ކުރަމުންދާ މަސައްކަތުގައި ބައިވެރިވުމަށެވެ. ސައުދު ޕީޕީއެމްގެ މިހަރަކާތާއި ގުޅުމުން ތިނަދޫއިން ޑރ.މުއިއްޒަށް މެޖޯރިޓީ ލިބުމަށްފަސޭހަތަކެއް ވެގެންދާނެކަމަށް ބެލެވެއެވެ.
ކުރީގެ ތިނަދޫ އުތުރު ދާިރާގެ މޕ ސައުދުﷲ ހިލްމީ #ޓީމްސައުދު ޕީޕީއެމް/ ޕީއެންސީ އާއި އަލުން ޑރ މުއިއްޒު ސިންބެ އައް އިންތިހާބު ކާމިޔާބު ކޮށްދެއް ވުމައް ރަސމީކޮށް ގުޅުމުގެ މުނާަބަތުގައި ތިނަދޫ ޕޕމ ޕނސ ލަޝްކަރު ޓީމް ސައުދުއައް ހޫނު މަރުހަބާ އެއް ކިޔައިފި ޝުކުރިއްޔާ @MMuizzu pic.twitter.com/1nPo8ssXVX
— Riyattey (@riyyatey) August 17, 2023
ރިޔާސީ ކެމްޕޭންގައި ޑރ.މުއިއްޒުގެ ރަނިންމޭޓް ސެމްބެ ގެންދަވަނީ ހުވަދު އަތޮޅުގައި ކެމްޕޭން ހަރަކާތްތައް ކުރިއަށް ގެންދަވަމުންނެވެ. ޑރ.މުއިއްޒު ހަރަކާތްތެރިވަނީ ފ.އަތޮޅާއި ށ.އަތޮޅުގައެވެ. ޕީޕީއެމް، ޕީއެންސީގެ ޓީމުތަކުން ރަށްތަކަށް ދިއުމުން ވަރަށް ހޫނު މަރުހަބާއެއް ކިޔާކަން ފަހަގަ ކޮށްލެވެ.
ރިޔާސީ އިންތިޚާބުގެ ވޯޓުލުން އޮންނާނީ އަންނަ މަހުގެ 9 ވަނަ ދުވަހުއެވެ.
