ސްކޫލު ބޮޑު ބަންދު އަހަރުގެ މެދުތެރެއަށް ހަމަޖައްސައި މިސަރުކާރުން ގެނައި ބަދަލާއިއެކު ރާއްޖޭގެ މޫސުމައި، ބަންދުތައް ދިމާވާގޮތުން ގިަ ރައްޔިތުންނަށް ޗުއްޓީ އުފާވެރި ގޮތުގައި ހޭދަ ނުކުރެވޭ ކަމަށާއި، ވެރިކަމާއި ހަވާލުވުމަށްފަހު ސްކޫލު ޗުއްޓީ ކުރިންވެސް އޮތް ގޮތަށް ޑިސެމްބަރަށް ބަދަލު ކުރައްވާނެކަމަށް ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.

ރިޔާސީ ކެމްޕޭންގައި ދ.ކުޑަހުވަދޫއަށް ވަޑައިގެން މުއިއްޒު ވަނީ އެރަށުގެ ރައްޔިތުންނާއި ބައްދަލު ކުރައްވައި އުންމީދީ ވާހަކަފުޅު ތަކެއް ދައްކަވާފައެވެ. މުއިއްޒު ވިދާޅުވީ ރިޔާސީ އިންތިޚާބުގައި ރައްޔިތުންނަށް ހުށަހަޅާ ކަންކަމަކީ ރައްޔިތުން އުދޭފަދަ އުންމީދީ ބަދަލުތައް ގެނުވޭނެ ކަންކަމަސް ވާންޖެހޭކަމަށެވެ. ރައްޔިތުން އެދޭފަދަ ހެޔޮވެރިކަމެއް ކުރެވޭނީ ރައްޔިތުންނާއި ގުޅުންހުރި ކަންކަމަށްވެސް ހައްލު ގެނެސްގެން ކަމަށް މުއިއްޒު ވިދާޅުވިއެވެ.

PPM PNC ge Riyaasee Candidate Dr. Mohamed Muizzu Kudahuvadhoo rayyithunnaa badhdhalu kurevvun ⁦@MMuizzu⁩ ⁦@HucenSembe⁩#Vote4Muizzu #DrMuizzuSembe2023#DhiveheengeRaajje #FreePresidentYameen pic.twitter.com/NuDJ69pwSh

— Progressive Party of Maldives (@ProgressPartyMV) August 16, 2023

ޒަމާނުއްސުރެ ރާއްޖޭގައި ސުކޫލު ޗުއްޓީ އަކީ ޑިސެންބަރު މަހެވެ. ނަމަވެސް މި ސަރުކާރުން ވެރިކަމަށް އައީ ސުކޫލު ޗުއްޓީ އަހަރުގެ މެދަށް ބަދަލު ކުރައްވާނެ ކަމަށް ވައުދުވަމުންނެވެ. އެ ވައުދާއި އެއްގޮތަށް ސަރުކާރުން ވަނީ ސުކޫލު ޗުއްޓީ އަހަރު މެދަށް ބަދަލުކޮށްފައެވެ. މިހާރު ބޮޑު ޗުއްޓީ ލިބޭ ދުވަސްވަރަކީ މޫސުން ގޯސް ދުވަސްވަރެއް ކަމުން ޗުއްޓީގެ ހަގީގީ އުފަލުން ދަރިވަރުންނާއި ބެލެނިވެރީންނާއި އާއިލާތައް މަހްރޫމް ވެއެވެ.

މުއިއްޒު ވަނީ ބޮޑު ޗުއްޓީ އަލުން ޑިސެންބަރަށް ބަދަލު ކުރުމުގެ ސިޔާސަތެއް ގެންގުޅުއްވާނެ ކަމަށް ވިދާޅުވެފައެވެ. މުއިއްޒު ވިދާޅުވި ގޮތުގައި މޫސުމުގެ މައްސަލައިގެ އިތުރުން މިހާރު އޮތް ގޮތުން ޖުލައި 26 ދިމާ ވަނީ ބޮޑު ޗުއްޓީއަށް ކަމުން މިނިވަން ދުވަހުގެ ކުޅިވަރުތަކުގައި ބައިވެރިވާ ދަރިވަރުންނަށް ޗުއްޓީން ބޮޑު ބައެއް ގެއްލޭ ކަމަށެވެ.

ޑިސެމްބަރަށް އަނބުރާ ގެންނަން ވަގުތު ބޭނުންވާނެ ކަމަށާ ޖަނަވަރީގައި ދިރާސީ އަހަރު ފެށޭނެ ގޮތަށް ދެން އިންތިޒާމުތައް ހަމަޖެއްސޭނީ 2025 ވަނަ އަހަރުގެ ޖަނަވަރީން ފެށިގެން ކަމުން އެގޮތަށް މަސައްކަތް ކުރައްވާނެ ކަމަށެވެ. އަދި ޗުއްޓީ އަލުން ބަދަލުކުރާއިރު ރިސޯޓްތަކުގައި މަސައްކަތް ކުރާ މުވައްޒިފުންނަށް ވެސް ޗުއްޓީ ދުވަސްވަރު އާއިލާއާއެކު ހޭދަ ކުރެވޭނެ ފޯމިއުލާ އެއް ހޯއްދަވާނެ ކަމަށް ޑރ.މުއިއްޒު ވިދާޅުވިއެވެ.