އީރާނުގެ މިސައިލް ސްޓޮކް 13 އިންސައްތައަށް ދަށްވެއްޖެ: ޓްރަމްޕް

އީރާނުގެ މިސައިލް ސްޓޮކް 13 އިންސައްތައަށް ދަށްވެއްޖެ: ޓްރަމްޕް

Author
އަހުމަދު
19 ނޮވެމްބަރ 2026 08:04
0

 

އެމެރިކާއިން އީރާނާ ދެކޮޅަށް ކުރިއަށްގެންދާ ހަނގުރާމަ ނިންމުމަށް ޗައިނާ ނުވަތަ ރަޝިޔާގެ އެހީތެރިކަމެއް ބޭނުން ނުވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ބުނެފިއެވެ.

ޓްރަމްޕް ބުރާސްފަތި ދުވަހު ފޮކްސް ނިއުސްއަށް ބަސްދީގަތުމެއް ދިނީ ޗައިނާގެ ޝެންޒެންގައި ބާއްވާ ތިންފަރާތުގެ ބައްދަލުވުމުގެ ކުރިންނެވެ. އެ ބައްދަލުވުމުގައި ޗައިނާގެ ރައީސް ޝީ ޖިންޕިންގ އާއި ރަޝިޔާގެ ރައީސް ވްލަޑިމީރް ޕޫޓިން ބައިވެރިވެއެވެ. އެ ބަސްދީގަތުމުގައި ޓްރަމްޕް ބުނީ އީރާނުގެ ކަނޑުގެ ސިފައިން، ވައިގެ ސިފައިން އަދި ވައިގެ ދިފާޢީ ނިޒާމުތައް އެމެރިކާއިން ވަނީ ބަލިކޮށްލާފައި ކަމަށެވެ. އޭނާ ބުނި ގޮތުގައި އީރާނުގެ މިސައިލް ސްޓޮކް މިހާރު ހުރީ ކުރީގެ މިންވަރުގެ ގާތްގަނޑަކަށް 12 ނުވަތަ 13 އިންސައްތައިގައެވެ. ހޮރްމުޒް ކަނޑުއޮޅީގެ ފުރިހަމަ ކޮންޓްރޯލް އެމެރިކާއިން ނަގާފައިވާ ކަމަށްވެސް އޭނާ ބުންޏެވެ.

ޓްރަމްޕް ބުނީ އީރާނުގެ ވެރިން އެއްބަސްވުމަކަށް އެދުނު ނަމަވެސް އޭނާ ބޭނުންވަނީ ދެމެހެއްޓެނިވި ހައްލެއް ކަމަށެވެ. ހަނގުރާމަ ވަރަށް އަވަހަށް ނިންމާލާނެ ކަމަށްވެސް އޭނާ ބުންޏެވެ. އީރާނުން ވިހަ ގޭހާއި ބަޔޮލޮޖިކަލް ހަތިޔާރު ބޭނުންކުރުމަށް ވިސްނަމުންދާ ކަމުގެ އިޝާރާތްތައް ހުރި ކަމަށް ޓްރަމްޕް ބުންޏެވެ. އެފަދަ ހަމަލާއެއް ދީފިނަމަ އީރާނު އެއްކޮށް ނައްތާލާނެ ކަމުގެ އިންޒާރުވެސް އޭނާ ދިނެވެ.

މި ހަނގުރާމަ ފެށީ ފެބްރުއަރީ 28 ގައި އެމެރިކާ އާއި އިސްރާއީލުން ގުޅިގެންނެވެ. ޖޫން މަހު ފަހުމުނާމާއެއްގައި ސޮއިކުރެވުނު ނަމަވެސް ހޮރްމުޒް ކަނޑުއޮޅީގެ ސަލާމަތާ ބެހޭ ޚިޔާލުތަފާތުވުންތަކާ ހުރެ އެ އެއްބަސްވުން ފުރިހަމައަށް ތަންފީޒުވެފައެއް ނުވެއެވެ. ޖުލައި މަހުން ފެށިގެން ދޭތެރެދޭތެރެއިން ކުރިމަތިލުންތައް ހިނގަމުން ދެއެވެ.

ކޮމެންޓު ފޮނުވާ

ކޮމެންޓު

އެތިކަމަކު ކޮމެންޓު ނެތެވެ.