އިންޑިއާ ހައި ކޮމިޝަނުން މާލޭގެ ގަލޮޅު ދަނޑުގައި ބޭއްވި ޔޯގާ ޑޭ ހަފްލާގައި ހިނގި ހަމަނުޖެހުމާ ގުޅިގެން ވިލިމާލޭ ދާއިރާގެ މެމްބަރު މުހައްމަދު އިސްމާއިލްގެ މައްޗަށް އުފުލާފައިވާ ދައުވާ ކުރިއަށް ނުގެންދަން ޕްރޮސެކިއުޓަރ ޖެނަރަލް ނިންމަވައިފިއެވެ. މި ނިންމުން ޕްރޮސެކިއުޓަރ ޖެނަރަލްގެ އޮފީހުން މިއަދު ރަސްމީކޮށް އިއުލާން ކޮށްފައިވެއެވެ.
ޔޯގާ ޑޭގެ ހަފްލާގައި ހިނގި ހާދިސާއަކީ، ގަލޮޅު ދަނޑުގައި ބޭއްވި އެ ހަރަކާތުގައި ބައެއް ފަރާތްތަކުން އިހްތިޖާޖު ކުރުމާ ގުޅިގެން އުފެދުނު ހަމަނުޖެހުމެކެވެ. މި މައްސަލައިގައި ވިލިމާލޭ ދާއިރާގެ މެމްބަރު މުހައްމަދު އިސްމާއިލްގެ އިތުރުން އެހެން ފަރާތްތަކެއްވެސް ހިމެނިފައިވާ ކަމަށް ރިޕޯޓު ކުރެވިފައިވެއެވެ.
ޕްރޮސެކިއުޓަރ ޖެނަރަލްގެ އޮފީހުން ބުނެފައިވަނީ، މި މައްސަލަ ބަލައި ދިރާސާ ކުރުމަށްފަހު، ލިބިފައިވާ ހެކިތަކަށް ބަލާއިރު މުހައްމަދު އިސްމާއިލްގެ މައްޗަށް ދައުވާ ކުރުމަށް އެކަށީގެންވާ ހެކި ނެތް ކަމަށެވެ. އެހެންކަމުން، މި މައްސަލައިގައި އޭނާގެ މައްޗަށް ޖިނާއީ ދައުވާއެއް ނުކުރުމަށް ނިންމާފައިވާ ކަމަށް ޕީޖީ އޮފީހުން ވިދާޅުވެފައިވެއެވެ.
މި މައްސަލައިގައި ތަހުގީގު ކުރިއަށް ގެންދިޔައީ މޯލްޑިވްސް ޕޮލިސް ސަރވިސްއިންނެވެ. ފުލުހުން ތަހުގީގު ނިންމުމަށްފަހު މައްސަލަ ޕްރޮސެކިއުޓަރ ޖެނަރަލްގެ އޮފީހަށް ފޮނުވާފައިވަނީ ދައުވާ އުފުލުމަށް ނިންމުމަށެވެ. ނަމަވެސް ޕީޖީ އޮފީހުން މައްސަލަ ދިރާސާ ކުރުމަށްފަހު ދައުވާ ނުކުރުމަށް ނިންމީ އެކަށީގެންވާ ހެކި ނެތުމުންނެވެ.
ކޮމެންޓު ފޮނުވާ