މިއަދު ހަވީރު މާލޭގައި އުޅަނދު ދުއްވުން މަނާކުރުމާ ގުޅޭގޮތުން ޓްރާންސްޕޯޓް މިނިސްޓްރީން ކުރީގައި ކުރި އިއުލާން ބާތިލުކޮށްފިއެވެ.
ރޭގަނޑު މިނިސްޓްރީން ނެރުނު އިއުލާނުގައި ބުނެފައިވަނީ އީދު ދުވަހު ހަވީރު 4 އިން 6 އަށް މާލެ ސަރަހައްދުގައި އިންޖީނުލީ އުޅަނދު ދުއްވުން ހުއްޓާލަންޖެހޭނެ ކަމަށެވެ. މީގެ އިތުރުން، ހަވީރު 4 އިން ރޭގަނޑު 11:30 އާ ހަމައަށް ބަރު އުޅަނދުފަހަރު ދުއްވުންވެސް މަނާކުރެވިފައިވާނެ ކަމަށް އިއުލާނުގައި ބަޔާންކޮށްފައިވެއެވެ.
މި އިއުލާން ނިކުތުމަށްފަހު، މިނިސްޓްރީން އެކްސް މެދުވެރިކޮށް ހިއްސާކުރި ޕޯސްޓެއްގައި ވިދާޅުވެފައިވަނީ އިންޖީނުލީ އެއްގަމު އުޅަނދު ދުއްވުން މަނާކުރުމާ ގުޅޭގޮތުން އިއްޔެ ނެރުނު އިއުލާން މިހާރު ބާތިލުކުރެވިފައިވާ ކަމަށެވެ.
މިނިސްޓްރީގެ މި އިއުލާން ބާތިލުކުރުމާއެކު، މާލޭ ސިޓީ ކައުންސިލުންވެސް ވަނީ ހުޅުމާލޭގައި ވެހިކަލް ދުއްވުމަށް ހުއްދަ ދެވިފައިވާކަން އަންގާފައެވެ.