ހުޅުމާލެ ހިޔާ ސަރަހައްދުގެ ބޮޑު ބައެއްގައި މިރޭ ކަރަންޓު ކެނޑިއްޖެއެވެ. އެނގިފައިވާ ގޮތުގައި، މިރޭ 22:40 ހާއިރު ހިޔާގެ ރަތް އަދި ނޫ ޓަވަރުތަކުން ކަރަންޓު ވަނީ ކެނޑިފައެވެ.
މިކަމާ ގުޅިގެން ސްޓެލްކޯއިން މަޢުލޫމާތު ދިން ގޮތުގައި ޓެކްނިކަލް މައްސަލައެއް ދިމާވުމާ ގުޅިގެން ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހީގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވެއެވެ.
ދިމާވި ޓެކްނިކަލް މައްސަލައަކާއި ގުޅިގެން ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހީގެ ބައެއް ސަރަހައްދުތަކުން ވަނީ ކަރަންޓުގެ ހިދުމަތް މެދުކެނޑިފައި. މައްސަލަ ދެނަގަނެ ވީއެންމެ އަވަހަކަށް އެ މައްސަލަ ހައްލުކޮށް ހިދުމަތް މެދުކެނޑިފައިވާ ސަރަހައްދުތަކަށް އަލުން ކަރަންޓު…
— STELCO (@STELCOMALDIVES) January 18, 2025
އަދި މި މައްސަލަ ދެނެގަނެ، އަވަސް މުއްދަތެއްގެ ތެރޭގައި ހިދުމަތް މެދުކެނޑިފައިވާ ސަރަހައްދުތަކަށް އަލުން ކަރަންޓު ފޯރުކޮށްދިނުމުގެ މަސައްކަތް ކުރަމުންދާ ކަމަށް ސްޓެލްކޯއިން ބުނެއެވެ.
