މާލޭ ސިޓީ ކައުންސިލުން އިދިކޮޅު އެމްޑީޕީއަށް ނިސްބަތްވާ ބަޔަކަށް ކޮންސަލްޓެންސީ ވަޒީފާ ދިން ކަމަށް އެ ސިޓީގެ މޭޔަރު އާދަމް އާޒިމް ވިދާޅުވުމާ ގުޅިގެން އާންމުންގެ ގިނަ ބައެއްގެ ފާޑު ކިއުން އަމާޒުވެއްޖެއެވެ.
ހދ. ކުޅުދުއްފުށީގައި އިއްޔެ ބޭއްވި ކައުންސިލަރުންގެ ކޮންފަރެންސްގައި އާޒިމް ވިދާޅުވީ މާލޭ ސިޓި ކައުންސިލުން މި ފަހުން 15 ކޮންސަލްޓެންސީ ވަޒީފާއެއް ހަމަޖެއްސި ކަމަށެވެ. އަދި އެ ވަޒީފާތަކުގެ ތެރެއިން އެކަކު ފިޔަވައި ދެން މުޅިން ހެން ހަމަޖެއްސީ އެމްޑީޕީގެ މެމްބަރުން ކަމަށް އާޒިމް ވިދާޅުވިއެވެ.
"ކައުންސިލު ތެރޭގެ ހުރިހާ ކަމެއް ވެސް އަޅުގަނޑު ބުނާ ކަމެއް ވެއްޖެއްޔާ ހަމަަ ކޮށްދޭ. އަޅުގަނޑު ކޮންސަލްޓެންޓުން ނަގަން ބޭނުންވީމާ ހަމަ 15 ކޮންސަލްޓެންޓުން ނަގައިގެން، ހަމަަަ އަޅުގަނޑުމެން ޕާޓީގެ މެންބަރުން އެ ތިބީ އެންމެ މީހަަކު ފިޔަވައި،" އާޒިމް ވިދާޅުވިއެވެ.
އާޒިމް ދެއްކެވި ވާހަކައިގެ ވީޑިއޯ ރިކޯޑު ކުރާ ނަމަ، އެ ވީޑިއޯ އެޑިޓްކޮށް، ކޮންސަލްޓަންޓުންގެ ބައި ކަނޑާލުމަށް މާލޭ ސިޓީ ކައުންސިލްގެ މީޑިއާ އޮފިޝަލް އާމިނަތު ޝަތުފާއަށް އެމްޑީޕީގެ ޗެއާޕާސަން ފައްޔާޒު އިސްމާއީލް އަންގަވައެވެ.
އެ ވީޑިއޯ އާންމުވުމާ ގުޅިގެން އެމްޑީޕީ އާއި ޕީޕީއެމް/ޕީއެންސީގެ ސަޕޯޓަރުން ސޯޝަލް މީޑިއާގައި ފާޑު ކިޔާފައިވެއެވެ.
އޭރުގެ @MaleCitymv ގެ މޭޔަރ @MMuizzu ބޭކާރު އެތައް ބައިވަރު ކޮންސަލްޓަންޓުން ނަގައިގެން ބޮޑެތި މުސާރަ ދިނުމާއި އެންމެ ބޮޑަށް ދެކޮޅުހެދި މީހުންނަކީ އަހަރުމެން @MDPSecretariat ގެ އާއްމު މެމްބަރުން.
ކޮންމެހެން ގެންގުޅެންޖެހޭ 14 މެމްބަރުން ތިބީތަ؟
މީތި ކަޑަ އެއްނު ބުރޯ؟@adamazim pic.twitter.com/oAdgaDK16O
— AD’DEY (@Addey_33) October 12, 2024
އެމްޑީޕީގެ ސަޕޯޓަރެއް ކަމަށްވާ "އައްޑޭ" އެކްސްގައި ކުރި ޕޯސްޓެއްގައި ބުނީ ކުރިން މާލޭގެ މޭޔަރަކަށް ހުންނެވި މިހާރުގެ ރައީސް ޑރ. މުހައްމަދު މުއިއްޒު، ހުންނެވި ދުވަސްވަރު ގިނަ ކޮންސަލްޓަންޓުން ނަގައިގެން އެކަމާ އެންމެ ބޮޑަށް ފާޑުކީ ބަޔަކީ އެމްޑީޕީން ކަމަށެވެ. އަދި އެމްޑީޕީގެ 14 މެމްބަރުން ކޮންސަލްޓަންސީގެ ގޮތުގައި ހަމަޖައްސަން ޖެހޭތޯ އޭނާ ސުވާލު އުފެއްދިއެވެ.
ސަތޫ އެމްޑީޕީ ގެ 15 ކޮންސަލްޓަންޓް އިން އައްޔަނު ކުރި ކަމަށް އާޒިމް ވިދާޅުވި ތަންކޮޅު އުނިކޮށްލާ@faya_i 5 އަހަރުގެ އަނިޔާވެރި ވެރިކަމެއްގަވެސް މުޅީން މިހެންކަންކަން ކޮށް ރައްޔިތުންނަށް އޮޅުވާލީ. މިއަދު ދޮގާއި މަކަރު ހަދަމުން ހަދަމުން ގޮސް އަމިއްލައަށް ބޭޒާރުވެ ފަލީޙަތްވެއްޖެ. pic.twitter.com/vLahuBgOg7
— ✭Ą✭Ӈ✭Ų✭Ş✭Ā✭Ŋ✭™ (@AhusanRashyd) October 12, 2024
އެކްސްގައި ކުރި ޕޯސްޓެއްގައި އަހުސަން ރަޝީދު ބުނީ އެމްޑީޕީން ފަސް އަހަރުގެ ވެރިކަމެއް ނިންމާލީ ރައްޔިތުންނަށް އޮޅުވާލައިގެން ކަމަށެވެ. އަދި ދޮގާއި މަކަރު ހަދަމުން ގޮސް އަމިއްލައަށް ބޭޒާރުވެ، ފަޟީހަތްވެފައިވާ ކަމަށް ވެސް އަހުސަން ބުންޏެވެ.
