ކުރީގެ ރައީސް ޑޮނަލްޑް ޓްރަމްޕް ފްލޮރިޑާގެ ގޮލްފް ކޯހެއްގައި ހުއްޓައި، އަވަހާރަކޮށްލަށް ދިން ހަމަލާއަށްފަހު ރައްކާތެރިކަމާއެކު ސަލާމަތްވެފައިވާ ކަމަށާއި، "ޝައްކުކުރެވޭ މީހަކު" ބަންދުގައި ހުރި ކަމަށް އެމެރިކާގެ ތަހުގީގީ އިދާރާތަކުން ކަށަވަރުކޮށްދީފިއެވެ.
އެމެރިކާގެ ސިއްރު ސަރވިސްގެ އޭޖެންޓުން ބައެއް ގަސްތަކުގެ ތެރެއިން ބަޑިއެއްގެ ބެރެލް ފެންނަން ހުއްޓައި ފެނި، އެމީހާއަށް ވަޒަން ޖަހާފައިވާ ކަމަށް އޮފިޝަލުން ބުނެއެވެ. އެފްބީއައިއިން ބުނެފައިވަނީ އެވަގުތު ޓްރަމްޕް ހުރީ 300-500 ޔާރޑު (275 އިން 455 މީޓަރު) އާ ދެމެދުގެ ދުރުމިނެއްގައި ކަމަށެވެ.
އޭކޭ47 ސްޓައިލްގެ ބަޑިއަކާއި ސްކޯޕަކާއި، ދެ ބެކްޕެކަކާއި ގޯޕްރޯ ކެމެރާއެއް ފަހުން އެތަނުން ފެނިފައިވެއެވެ.
އެ ތަނުގައި ހުރި މީހަކު ބުނެފައިވަނީ ސީކްރެޓް ސާވިސް އޭޖެންޓުން ރައްދުގައި ވަޒަން ފޮނުވާލާފައި ވަނިކޮށް، ޝައްކުކުރެވޭ މީހާ ބައެއް ގަސްތަކުގެ ތެރެއިން ދުވަމުން އައިސް ކަޅު ނިސާން ކާރަކަށް އެރި ތަން ފެނުނު ކަމަށެ.
އެމެރިކާގެ ސިއްރު ސަރވިސްއިން އެކްސްގައި ކުރި ޕޯސްޓެއްގައި ކަށަވަރުކޮށްދީފައިވަނީ އާދިއްތަ ދުވަހުގެ މެންދުރުފަހު ގާތްގަނޑަކަށް 2:00 ހާއިރު (އިނގިރޭސި ވިލާތުގެ ގަޑިން ހަވީރު 7:00 އަށް) ޓްރަމްޕާ އަވަހާރަ ކޮށްލުމަށް ދިން "ނުރައްކާތެރި ހާދިސާއެއް" ތަޙުޤީޤުކުރަމުންދާ ކަމަށެވެ.
އެމެރިކާގެ މީޑިއާތަކުން، ނަން ހާމަނުކުރާ ޤާނޫނު ތަންފީޒުކުރާ ބައެއް އޮފިޝަލުންނާ ހަވާލާދީ ބުނެފައިވަނީ ޝައްކުކުރެވޭ މީހާއަކީ ހަވާއީގެ 58 އަހަރުގެ ރަޔަން ވެސްލީ ރައުތު ކަމަށެވެ.
ބީބީސީ އިންވަނީ އެ ނަމާ ދިމާވާ ސޯޝަލް މީޑިއާ ޕްރޮފައިލްތަކެއް ފެނިފައިވާ ކަމަށް ބުނެއެވެ. މި ޕްރޮފައިލްތަކުން ދައްކާގޮތުގައި ރައުތު ވަނީ ޔުކްރެއިންގައި ރަޝިއާގެ ބާރުތަކާ ދެކޮޅަށް ހަނގުރާމަ ކުރުމަށް ބޭރުގެ ހަނގުރާމަވެރިން ދިއުމަށް ގޮވާލާފައެވެ.
ބީބީސީގެ އެމެރިކާގެ ޕާޓްނަރު ސީބީއެސް ނިއުސްއާ ވާހަކަދެއްކި ޤާނޫނު ތަންފީޒުކުރާ މަސްދަރެއްގެ މަޢުލޫމާތުގައިވާ ގޮތުން، 2002 އާއި 2010 އާ ދެމެދު ނޯތު ކެރޮލައިނާގެ ގިލްފޯޑް ކައުންޓީގައި ރައުތުގެ މައްޗަށް އެކި ކުށްތަކުގެ ދަޢުވާ އުފުލައި، އޭނާ ކުށްވެރިވެފައިވެއެވެ.
މި ކުށްތަކުގެ ތެރޭގައި ފޮރުވައިގެން ހަތިޔާރު ގެންގުޅުމާއި، ހައްޔަރުކުރަން ދެކޮޅުހެދުމާއި، މީހަކު އަނިޔާވެގެން ފިލައިގެން ދިޔުމާއި، ލައިސަންސް ބާޠިލުކޮށްފައި އޮއްވައި އުޅަނދު ދުއްވުމާއި، ވަގަށް ނެގި މުދާ އަތުގައި ބެހެއްޓުން ހިމެނެއެވެ.
ވައިޓް ހައުސްއިން ބުނެފައިވަނީ ގޮލްފް ކޯހުގައި ހިނގި މި ހާދިސާއާ ގުޅޭ މަޢުލޫމާތު ރައީސް ޖޯ ބައިޑަންއާއި ނައިބު ރައީސް ކަމަލާ ހެރިސްއަށް ދެވިފައިވާ ކަމަށެވެ.
"ކުރީގެ ރައީސަށް އެއްވެސް ގެއްލުމެއް ނުވާކަމީ އަޅުގަނޑަށް ހިތްހަމަޖެހުން ލިބޭ ކަމެކެވެ،" ބައިޑަން ބަޔާނެއްގައި ވިދާޅުވިއެވެ.
