އެމެރިކާގެ ކުރިޔަށް އޮތް ރިޔާސީ އިންތިޚާބުގައި ވާދަކުރާ ކުރީގެ ރައީސް ޑޮނަލްޑް ޓްރަމްޕް އާއި މިހާރުގެ ނާއިބު ރައީސް ކަމަލާ ހެރިސް ރިޔާސީ ބަހުސުގައި ފުރަތަމަ ފަހަރަށް ބައްދަލު ކޮށްފިއެވެ.

ބަހުސް ފެށުމުގެ ކުރިން ދެމީހުންވެސް އަތުގުޅާލާ ސަލާމް ކުރި ނަމަވެސް،، ދެމީހުންގެ ދެމެދުގައި އެއްބަސްވުމެއް ނުވަތަ ގުޅުމެއް އޮތްތަނެއް މި ބަހުސްގައި ފެނިގެން ގޮސްފައެއް ނުވެއެވެ.

ހޫނުގަދަކޮށް ކުރިޔަށްދިޔަ 90 މިނިޓުގެ ތެރޭގައި، ހެރިސް ގިނަ ފަހަރަށް އަމިއްލަ ހަމަލާތަކުން ކުރީގެ ރައީސް ހާސްކޮށްލިއެވެ. އެ ހަމަލާތަކުގެ ސަބަބުން، އޭނާގެ މެސެޖްތައް ގެއްލި، ގިނަ ބައެއްގެ އިންތިޒާރުތަކާއި ގުޅިގެންދިޔަ ބަހުސް އިތުރަށް ހޫނުވެގެން ދިޔައެވެ.

މިއަދުގެ ބަހުސްގައި ޓްރަމްޕްގެ ރެލީތަކަށް ދާ މީހުންގެ އަދަދާއި، އެމެރިކާގެ ގާނޫނުހަދާ މަޖީލީހަށް ޓްރަމްޕްގެ ވެރިކަން ނިމުމުގެ ކުރުން ދިން ހަމަލާތަކުގެ ވާހަކަތަކާއި، ޓަރަމްޕްގެ ވެރިކަމުގައި މަސައްކަތް ކޮށްފައިވާ، އަދި މިހާރު އޭނާގެ ކެމްޕޭނާ ދެކޮޅަށް ވާހަކަދައްކާ އޮފިޝަލުންނާ ބެހޭގޮތުން ހެރިސް ދެއްކި ވާހަކަތަކުން ޓްރަމްޕް ތަކުރާރުކޮށް ދިފާޢީ ޙާލަތަކަށް ވެއްޓިގެން ދިޔަތަން މި ބަހުސްގައި ފެނިގެން ދިޔައެވެ.

މި ބަހުސުގެ ބޮޑު ބައެއްގައި ފެނިގެންދިޔައީ ހެރިސް އޭނާގެ ރިޕަބްލިކަން ވާދަވެރިޔާ، ޓްރަމްޕްގެ ކުރީގެ ޢަމަލުތަކާއި ބަސްތަކަށް ރައްދުދީ އަދި މަލާމާތް ރައްދު ކުރި މަންޒަރެވެ. އަދި ޓަރަމްޕްވަނީ ހެރިސްގެ މި ވާހަކަތަކަށް ނޫނެކޭ ވިދާޅުވުމުގެ ގޮތުން އެތައް ފަހަރަކު، ދެކޮޅަށް އަޑު އުފުލާ، ބައެއްފަހަރު ބޯ ހޫރުވާ ހަދާފައެވެ.

އިމިގްރޭޝަނާ ބެހޭގޮތުން ބަހުސް ފެށިގެން އައިރު ކުރި ސުވާލަކަށް ޖަވާބުދެއްވަމުން ހެރިސް ވިދާޅުވީ، ޓްރަމްޕްގެ ރެލީއަކަށް އެމެރިކާގެ ރައްޔިތުން ދާންވާނެ ކަމަށެވެ. ސަބަބަކީ ޓްރަމްޕް މީހުންނަށް ދައްކަމުން ދަނީ ދަޅަތަކެއް ކަމަށް ހެރިސް ވިދާޅުވިއެވެ. "މީހުން ރެލީތަކުން އަބަހަށް ދާން ފަށަނީ ފަށަނީ ވަރުބަލިވުމާއި ފޫހިވުމުގެ ސަބަބުން،" އޭނާ ވިދާޅުވިއެވެ.

މި ފާޑުކިޔުމުން ކުރީގެ ރައީސަށް ބޮޑަށް އަސަރުކުރިކަން ފާހަގަކުރެވުނެވެ. އެހެނީ އޭނާ އޭގެ ފަހުން ގިނަ ވަގުތު ހޭދަކުރީ – އޭނާގެ މައިގަނޑު ބާރުގަދަ ދާއިރާކަމަށް ވާންޖެހޭ މައުޟޫއެއްގައި – އޭނާގެ ރެލީތަކުގެ ސައިޒް ދިފާޢުކުރުމާއި ހެރިސްގެ ރެލީތަކުގެ ސައިޒް ކުޑަކަން ދެއްކުމަށެވެ.

ބަހުސްތަކުގައި ކާމިޔާބީ ލިބެނީ އެ ކެންޑިޑޭޓަކު އެމީހެއްގެ ވަރުގަދަ ދާއިރާތަކުން އެންމެ ރަނގަޅަށް ފައިދާ ނަގައި – އަދި ދެރަ ދާއިރާތަކުން ދިފާޢުވެ ނުވަތަ އޮޅުވާލައިފިނަމަ – ކަމަށްވާނަމަ، ގިނަ ބަޔަކު ބުނަމުންދަނީ މި ބަހުސްގައި ބޮޑަށް ބުރަ ވެވެނީ ނައިބު ރައީސް ހެރިސްއަށް ކަމަށެވެ.

މިއަދުގެ ބަހުސަށްފަހު ސީއެންއެންގެ ކުރިަޔށް ގެންދިޔަ ކުއްލި ޚިޔާލު ހޯދުމެއްގައި ދައްކާގޮތުން ބަހުސް ބެލި ވޯޓަރުން ބުނީ ހެރިސް ރަނގަޅުކަމަށެވެ. އަދި ބެޓިންގ މާކެޓްތަކުން (ޖުއާ ކުޅޭ ޕްލެޓް ފޯމްތަކުން) ވެސް ބުނީ އެފަދައިންނެވެ.

މިއީ ވަގުތީ ނަތީޖާއަކަށް ވެގެން ދިއުމުގެ ފުރުސަތު ވަރަށްވެސް ބޮޑެވެ. އެހެންނަމަވެސް، ޓްރަމްޕް ދިފާޢީ ޙާލަތަކަށް ވައްޓާލުމުގައި، ބަހުސްގެ ކުރީކޮޅު އިޤްތިޞާދާއި، ނަފްސާނީ ދުޅަހެޔޮކަމާ ބެހޭ މައުޟޫތައް ހެރިސް ވަރަށް ފުރިހަމަޔަށް ކަވަރުކުރިކަން ސާފުކޮށް ބަހުސުން ފެނިގެން ދިޔައެވެ.

މިއީ މިއަހަރުގެ ރިޔާސީ އިންތިޚާބުގެ ކުރިން ބައްވާ ދެވަނަ ރިޔާސީ ބަހުސްއެވެ. ފުރަތަމަ ބަހުސްގައި މިހާރުގެ ރައީސް ބައިޑްން ވާދަ ކުރެއްވި ނަމަވެސް އެ ބަހުސްގައި ބައިޑްން ބޮޑު ބައްޔަކުން ބަލިވިކަމަށް ގިނަ ބަޔަކު ދެކި، ކުރިމަތިވި ޕްރެޝަރުތަކާއެކު ބައިޑްވަނީ ރިޔާސީ އިންތިޚާބުގައި ވާދަ ނުކުރުމަށް ނިންމާ، މިހާރުގެ ކެނޑިޑޭޓް ހެރިސްއަށް ތާއީދު ކުރައްވަން ނިންމަވާފައެވެ.

އެގޮތުން މިއީ ޓްރަމްލާއި ހެރިސްގެ ފުރަތަމަ ކުރިމަތި ލުމެވެ.