އިސްރާއީލުން ޣައްޒާގައި ހިންގަމުންދާ ގަތުލުއާންމުތަކާއި ދެކޮޅަށް މިރޭވެސް މާލޭގައި މުޒާހިރާ ކޮށްފިއެވެ. މިރޭވެސް މުޒާހިރާ ކުރިޔަށް ދިޔައީ މާލޭގަ ހިންގަމުންދާ ޕިއްޒާ ހަޓާއި އަދި ކޭއެފްސީ ކުރިމަތީގައެއެވެ.
މިމުޒާހިރާގެ ބައިވެރިން، އިސްރާއީލާ ގުޅުން އޮތް ދެ ފުށް ޗައިން ކަމުގައިވާ ކަމުގައިވާ ކޭއެފްސީއާއި އަދި ޕިއްޒާ ހަޓު ބަންދު ކުރުމަށް ވަނީ އަޑު އުފުލާފައެވެ. އައި އެ ދެ ވިޔަފާރު ބޮއިޓް ކުރުމަށް އަޑު އުފުލަމުން ދިޔައިރު މުޒާހިރާގެ ބައިވެރިން ތިބީ އިސްރާއީލާއި އަދި އެގައުމަށް ވާގިވެރިވަމުންދާ އެމެރިކާއާއި ދެކޮޅު ޝިއާރުތައް ލިޔެފައިވާ ޕޯސްޓަރުތައް ހިފަހައްޓައިގެންނެވެ.
މި ޝިއާރުތަކުގައި ވަނީ ޕިއްޒާހަޓް އަދި ކޭއެފްސީ ބޮއިޓް ކުރުމަށްވެސް ގޮވާލާ ޝިއާރުތައް ލިޔެފައެވެ.
އިސްރާއީލާ ދެކޮޅަށް މާލެއާއި ހުޅުމާލޭގައިވެސް މިހާރު ކޮންމެ ރެއަކުކަހަލަ ގޮތަކަށް ދަނީ މުޒާހިރާތައް ކުރަމުންނެވެ. އެފަރާތްތަކުން ގޮވަމުންދަނީ ރާއްޖޭގައި ހިންގާ އިސްރާއީލާ ގުޅުންހުރި ވިޔަފާރިތައް ބަންދު ކުރުމުގެ އިތުރުން އިސްރާއީލު ރައްޔިތުން ރާއްޖެ އައުން މަނާކުރުމަށެވެ.
ސަރުކާރުން ބުނެފައިވަނީ އިސްރާއީލު ރައްޔިތުން ރާއްޖެ އައުން މަނާކުރަން ޖެހިއްޖެ ހާލަތެއްގައި އެކަންވެސް ކުރާނެ ކަމަށެވެ.
އިސްރާއީލުން ޣައްޒާގައި ހިންގަމުންދާ ލާއިންސާނީ ޖަރީމާތަކުގައި މިހާތަނަށް ފަލަސްތީނުގެ 35،000 އާންމު ރައްޔިތުން ވަނީ ޝަހީދު ވެފައެވެ.
