ރާއްޖޭގެ ކޭއެފްސީ ބޮއިކޮޓް ކުރަން ގޮވާލާ މިއަދު މުޒާހިރާ ކޮށްފިއެވެ.
ރާއްޖޭގައި ހިންގާ ކޭއެފްސީ ބޮއިކޮޓް ކުރަން ގޮވާލާފައިވަނީ ފަލަސްތީނަށް ތާއީދުކޮށް، މިއަދު ކޭއެފްސީ ކުރިމަތީގައި މެގަފޯން ހިފައިގެން ޝުއޫރު ފާޅު ކޮށްގެންނެވެ.
ޝުއޫރު ފާޅުކުރި ފަރާތްތަކުން ބުނެފައިވަނީ، ދުނިޔޭގެ އެހެން މުސްލިމް ގައުމުތަކުގައިވެސް، ކޭއެފްސީއަކީ އިސްރާއީލާއި ގުޅުންހުރި ވިޔަފާރިއަކަށް ވާތީ އެ ވިޔަފާރި ބޮއިކޮޓް ކުރަމުންދާ ކަމަށާއި ދިވެހި ރައްޔިތުންގެވެސް އިޚްލާސްތެރިކަމެއް ހުރިނަމަ އެތަން ބޮއިކޮޓް ކުރަން ޖެހޭނެ ކަމުގައެވެ.
ރާއްޖޭގައި ހިންގަމުންދާ ކޭއެފްސީ ބޮއިކޮޓް ކުރުމަށް މީގެކުރިންވެސް ގޮވާލާފައި ވެއެވެ.
ކޭއެފްސީއަކީ އިސްރާއީލާއި ގުޅުން އޮންނަ ވިޔަފާރިއަކަށް ވާތީ، މެލޭޝިއާގައި ކޭއެފްސީ ބޮއިކޮޓް ކުރަމުންދާތީ މިހާރުވަނީ އެގައުމުގައި ހުރި ކޭއެފްސީގެ 180 އައުޓްލެޓް ބަންދުކޮށްފައެވެ. ދުނިޔޭގެ މުސްލިމް އެހެން ގައުމުތަކުގައިވެސް ދަނީ އިސްރާއީލާއި ގުޅުންހުރި ވިޔަފާރިތައް އެގައުމުތަކުގައި ބޮއިކޮޓް ކުރަމުންނެވެ.
ރާއްޖޭގައި ދާދިފަހުން ވަނީ ތުލުސްދޫއަށްދިޔަ އިސްރާއީލުގެ ފަތުރުވެރިއަކު އެރަށުން ބޭރު ކޮށްފައެވެ.
އިސްރާއީލާއި ދެކޮޅަށް މުސްލިމް ގައުމުތަކުގައި ދެކޮޅު ޝުއޫރު ފާޅުކުރަމުންދަނީ އިސްރާއީލުން ޢައްޒާގައި ހިންގަމުންދާ ގަތުއާންމާއި ދެކޮޅު ހެދުމުގެ ގޮތުންނެވެ. ފަލަސްތީނުގެ ޢައްޒާއަށް އިސްރާއީލުން ދެމުންދާ އުދުވާނީ ހަމަލާތަކުގައި ފަލަސްތީނުގެ 34،000 އަށްވުރެ ގިނަ މީހުން މިހާތަނަށް ވަނީ ޝަހީދު ވެފައެވެ.
ކޮމެންޓު ފޮނުވާ