އެމްޑަބްލިއުއެސްއީގެ ތާޒާ ފެނަށް އޯޑަރު ދިނުމަށް ހާއްސަ އެޕެއް ލޯންޗު ކޮށްފި އެވެ.
މި އެޕް ލޯންޗު ކޮށްފައިވަނީ ރޭ މީރުމާގައި ބޭއްވި ރަސްމިއްޔާތެއްގައި އައިލެންޑް ބެވަރޭޖަސް މޯލްޑިވްސް (އައިބީއެމް) ގެ ޗެއާމަން އަބުދުލް މަތީން މުހައްމަދު އާއި އެ ކުންފުނީގެ ޖެނެރަލް މެނޭޖަރު އަލީ އާޒިމެވެ.
މި އެޕްގައި މުޅިން އަލަށްވަނީ "ރިއަލް ޓައިމް އޯޑަރިން" ގެ ފަންކްޝަން ވެސް ހިމަނާފައެވެ. މި ފަކްންޝަން މެދިވެރިކޮށް ޚިދުމަތް ހޯދޭއިރު މީގެ ސަބަބުން ކަސްޓަމަރުންނަށް ކޮންމެ ތަނެއްގައި ކޮންމެ ވަގުތެއްގައި ވެސް އޯޑަރުތަކުގެ ސްޓޭޓަސް ބަލާލެވޭނެ ކަމަށާއި، އަދި މިއީ އެންމެ ބޮޑު އިންގިލާބީ ފީޗާއެއްގެ ގޮތުގައި އެ ކުންފުނިން ފާހަގަ ކޮށްފައި ވެއެވެ.
އައިލެންޑް ބެވަރޭޖަސް މޯލްޑިވްސް ޕްރައިވެޓް ލިމިޓެޑް (އައިބީއެމް) އަކީ މާލޭ ވޯޓާ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑް (އެމްޑަބްލިއުއެސްސީ)ގެ ސަބްސިޑަރީ ކުންފުންޏެކެވެ. އެކުންފުނިން ދަނީ 2002 ވަނަ އަހަރުން ފެށިގެން ރާއްޖެއަށް ތާޒާ ފެން ފޯރުކޮށްދެމުންނެވެ.
ތާޒާ ފެނަކީ ރައްޔިތުންގެ އިތުބާރު ލިބިފައިވާ ބައިނަލްއަގުވާމީ ފެންވަރަށް، އުފައްދާ ބަންދުކޮށް ކޮންމެ ފެންފުޅިއެއްގެ ކޮލިޓީ ކަށަވަރު ކުރެވިގެން އާންމުންނާއި ހަމައަށް ފޯރުކޮށްދޭ އިތުބާރުހުރި ޕްރޮޑަކްޓެކެވެ.
