ހއ. އުތީމުގެ އެމްޑީޕީއަށް ނިސްބަތްވާ އެތައް ބަޔަކު މިރޭ ޕްރޮގްރެސިވް ޕާޓީއާއި ގުޅި ޑރ. މުއިއްޒުގެ ކެމްޕޭނާއި ގުޅިއްޖެއެވެ.
މިރޭ އުތީމުގައި އޮތް ޚާއްސަ ޖަލްސާގައި މިބޭފުޅުން ޕީޕީއެމްއާއި ގުޅި ފޯމު ހަވާލު ކުރެއްވީ ޕީއެންސީގެ ނައިބް ރައީސް އިބްރާހިމް ޝުޖާއުއާއެވެ. ހއ. އަތޮޅުގެ މެޖޯރިޓީ ބޮޑު ތަނުން ހޯދުމަށް ޝުޖާ ކުރަމުންދާ މަސައްކަތުގައި އެއަތޮޅުގެ ޑިމޮކްރެޓްސްއަށް ތާއީދުކުރާ ގިނަ ބޭފުޅުންވެސް ވަނީ މުއިއްޒުގެ ކެމްޕޭނާއި ގުޅިފައެވެ.
މިރޭ އުތީމުން ޕީޕީއެމްއާއި ގުޅުނު މެމްބަރުންގެ ތެރޭގައި އެމްޑީޕީގައި އެތައް އަހަރެއް ވަންދެން މަސައްކަތްކުރި އުތީމުގެ އެންމެ ވަރުގަދަ ބޭފުޅުންވެސް ހިމެނެއެވެ. އުތީމުގެ އެމްޑީޕީގެ ބޭފުޅުންގެ ގުޅުމުން ޝުޖާ ވަނީ އެބޭފުޅުންނަށް މަރުހަބާ ދަންނަވާ، އިންތިޚާބު ކާމިޔާބު ކުރުމަށް އިތުރު ހިތްވަރެއް ލިބިގެން ގޮސްފައިވާކަމަށް ވިދާޅުވެފައެވެ.
މިރޭ ހއ.އުތީމުން ގިނަ އަދަދެއްގެ އެމްޑީޕީ މެމްބަރުން ޕީޕީއެމްއަށް އަށް ސޮއިކޮށް އަޅުގަނޑުމެންގެ ކެނޑިޑޭޓް ޑރ. މުއިއްޒުގެ ކެންޕެއިނަށް ނުކުތުމަކީ މިކަން މިނިމެނީ ކަމުގެ އަލިގަދަ ހެއްކެއް. އިރާދަކުރެއްވިއްޔާ އަޅުގަނޑުމެން މިކަން ނިންމާނީ ވަރަށް ފަސޭހަކަމާއެކު. ޝުޖާ ވިދާޅުވިއެވެ.
ހޮނިހިރު ދުވަހު ވޯޓުލުން އޮންނައިރު ގިނަ އަދަދެއްގެ އެމްޑީޕީގެ މެމްބަރުން ރާއްޖޭގެ އެކި ކަންކޮޅުތަކުން ދަނީ މުއިއްޒަށް ތާއީދުކޮށް ޕީޕީއެމްއާއި ގުޅެމުންނެވެ.
