ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ ކުރީގެ މެމްބަރު ސައުދުﷲ ހިލްމީ ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒަށް ތާއީދުކޮށް ޕީޕީއެމްއާއި ގުޅިވަޑައިގެންފިއެވެ.
ޕީޕީއެމްއާއި ދުރުގައި ގިނަ ދުވަސްތަކެއް އުޅުއްވުމަށްފަހު އަލުން ޕީޕީއެމްއާއި ގުޅުމަށްފަހު ސައުދު ފޯމް ހަވާލު ކުރެއްވީ ޑރ. މުއިއްޒާއި ޕްރޮގްރެސިވް ކޯލިޝަން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމާއިއެވެ. ސައުދަކީ ރައީސް ޔާމީންގެ ވެރިކަމުގައި އެމަނިކުފާނާއި ދެކޮޅަށް ނިކުންނެވި 12 މެމްބަރުންގެ ތެރޭގައި ހިމެނޭ މެމްބަރެކެވެ.
ސައުދު ވަނީ މުއިއްޒުގެ ކެމްޕޭނަށް މިދިޔަ ހަފްތާގައި ތިނަދޫއަށް ވަޑައިގެންފައެވެ. ސައުދަކީ ތިނަދޫގެ ގިނަ ބަޔަކު ވަރަށް އިޚުތިރާމް ކުރާ އަދި ގިނަ ރައްޔިތުންގެ ތާއީދުވެސް އޮތް ބޭފުޅެކެވެ.
ސައުދު ޕީޕީއެމްގެ މިހަރަކާތާއި ގުޅުމުން ތިނަދޫއިން ޑރ.މުއިއްޒަށް މެޖޯރިޓީ ލިބުމަށްފަސޭހަތަކެއް ވެގެންދާނެކަމަށް ބެލެވެއެވެ. ތިނަދޫގައި މިރޭ ބައްވާ ޖަލްސާގައިވެސް ގިަނަ އަދަދެއްގެ ބަޔަކު ބައިވެރިިވެފައިވާއިރު، މިއަދު މުއިއްޒު ތިނަދޫއަށް ވަޑައިގެންނެވުމުންވެސް އެރަށުން ވަނީ ހޫނު މަރުހަބާއެއް ދަންނަވާފައެވެ.
