މިއަދު ބޭއްވުނު ތުރުކީގެ ރިޔާސީ އިންތިޚާބުގެ ވޯޓުލުން ނިމި، މިހާރު ވޯޓު ގުނަން ފަށާފައިވާއިރު، ވަގުތީ ނަތީޖާތައް ދައްކާގޮތުން، އެގައުމުގެ މިހާރުގެވެސް ރައީސް ތައްޔިބު އެރެދޮގާން ނަތީޖާއިން ކުރި ހޯއްދަވަން ފައްޓަވައިފިއެވެ.

ތުރުކީގެ ދައުލަތުގެ މީޑިއާ އަނަޑޮލު އޭޖެންސީން އާންމު ކޮށްފައިވާ ވަގުތީ ނަތީޖާއަށް ބަލާއިރު، މިހާތަނަށް 66.7 އިންސައްތަ ވޯޓު ގުނިފައިވާއިރު، އެރެދޮގާން ވަނީ 54.8 އިންސައްތަ ކާމިޔާބު ކުރައްވާފައެވެ. އަދި އެރެދޮގާންއާއި ވާދަކުރައްވާ، 6 ޕާޓީއެއް އެކުލަވާލައިގެން އުފައްދާފައިވާ ކޯލިޝަންގެ ކެނޑިޑޭޓް ކިލިކްޑަރޮގްލުއަށް ލިބިފައިވަނީ 45.2 އިންސައްތަ ވޯޓެވެ.

މިމަހުގެ ކުރީކޮޅު ބޭއްވުނު ތުރުކީގެ ރިޔާސީ އިންތިޚާބުގެ ފުރަތަމަ ބުރުގައި އެއްވެސް ކެނޑިޑޭޓަކަށް 50 އިންސައްތައާއި އެއްވޯޓަށްވުރެ އިތުރަށް ވޯޓު ނުހޯއްދެވުމާއި ގުޅިގެން އެގައުމުގެ ގާނޫނު އަސާސީގައި ބުނާ ގޮތުގެ މަތިން ބާއްވާ، ރިޔާސީ އިންތިޚާބުގެ ދެވަނަ ބުރުގެ ވޯޓުލުން ބޭއްވިފައިވަނީ މިއަދުއެވެ.

މިބުރުގައި ވާދަކުރުމުންދަނީ، މިމަހުގެ 14ވަނަ ދުވަހު ބޭއްވުނު ރިޔާސީ އިންތިޚާބުގައި އެންމެ މަތިން ވޯޓު ހޯއްދެވި ދެ ކެނޑިޑޭޓުން ކަމަށްވާ މިހާރުގެވެސް ރައީސް ތައްޔިބު އެރެދޮގާންއާއި، އޭނާއާއި ވާދަކުރައްވާ، އިދިކޮޅު އިއްތިހާދުގެ ކެނޑިޑޭޓް ކަމާލް ކިލިކްޑަރޮގްލޫއެވެ.

މިއިންތިޚާބު ތުރުކީގައި ބޭއްވިގެން މިދަނީ ތުރުކީގެ ފަހުގެ ތާރީޚެއްގައި އެގައުމަށް އައި އެންމެ ވަރުގަދަ ބިންހެލުމުގައި، އެގައުމުގެ ދެކުނުގައި 50،000 މީހުން މަރުވެ، 5.9 މިލިއަން މީހުން ގެދޮރި ނެތިގެން ދިޔަތާ 4 މަސް ފަހުންނެވެ.

އަދި ހަމަ އެއާއެކު އެގައުމަށް އިގްތިސާދީ ގޮތުން ބޮޑެތި ގޮންޖެހުންތަކާއި ކުރިމަތިލާން ޖެހިފައިވާ ދަނޑިވަޅެއްގައިވެސް މެއެވެ. މިއިންތިޚާބު ވެފައިވަނީ 20 އަހަރަށްވުރެ ދިގު މުއްދަތަކަށް ތުރުކީގައި ވެރިކަން ކުރައްވަމުން ގެންދަވާ ތައްޔިބު އެރެދޮގާންއަށް ކުރިމަތިލައްވަން ޖެހިވަޑައިގެންނެވި އެންމެ ގޮންޖެހުން ބޮޑު އިންތިޚާބު ކަމުގައެވެ.

މިބުރުގައި ވާދަކުރުމަށް ހަމަޖެހިފައިވަނީ، މިމަހުގެ 14ވަނަ ދުވަހު ބޭއްވުނު ރިޔާސީ އިންތިޚާބުގައި އެންމެ މަތިން ވޯޓު ހޯއްދެވި ދެ ކެނޑިޑޭޓުން ކަމަށްވާ މިހާރުގެވެސް ރައީސް ތައްޔިބު އެރެދޮގާންއާއި، އޭނާއާއި ވާދަކުރައްވާ، އިދިކޮޅު އިއްތިހާދުގެ ކެނޑިޑޭޓް ކަމާލް ކިލިކްޑަރޮގްލޫއެވެ.

މިއިންތިޚާބު ތުރުކީގައި ބޭއްވިގެން މިދަނީ ތުރުކީގެ ފަހުގެ ތާރީޚެއްގައި އެގައުމަށް އައި އެންމެ ވަރުގަދަ ބިންހެލުމުގައި، އެގައުމުގެ ދެކުނުގައި 50،000 މީހުން މަރުވެ، 5.9 މިލިއަން މީހުން ގެދޮރި ނެތިގެން ދިޔަތާ 4 މަސް ފަހުންނެވެ.

އަދި ހަމަ އެއާއެކު އެގައުމަށް އިގްތިސާދީ ގޮތުން ބޮޑެތި ގޮންޖެހުންތަކާއި ކުރިމަތިލާން ޖެހިފައިވާ ދަނޑިވަޅެއްގައިވެސް މެއެވެ. މިއިންތިޚާބު ވެފައިވަނީ 20 އަހަރަށްވުރެ ދިގު މުއްދަތަކަށް ތުރުކީގައި ވެރިކަން ކުރައްވަމުން ގެންދަވާ ތައްޔިބު އެރެދޮގާންއަށް ކުރިމަތިލައްވަން ޖެހިވަޑައިގެންނެވި އެންމެ ގޮންޖެހުން ބޮޑު އިންތިޚާބު ކަމުގައެވެ.

ތުރުކީގެ ރައީސް އެރެދޮގާން ބަލިކުރުމަށް 6 ޕާޓީއެއް އެކުވެގެން އުފައްދާފައިވާ ކޯލިޝަންއިން ދެވަނަ ބުރާއި ކުރިމަތި ލާއިރު، ފުރަތަމަ ބުރުގައި 3 ވަނަ ހޯއްދެވި ސިނާން އޯގަން އެރެދޮގާންއަށް ތާއިދު ކުރާކަން ހާމަ ކުރުމާއި ގުޅިގެން، ދެވަނަ ބުރު ފަސޭހަމަކާއެކު އެރެދޮގާން ކާމިޔާބު ކުރާނެކަމަށް ބެލެވިފައި ވެއެވެ.

އިންތިޚާބުގެ ފުރަތަމަ ބުރުގައި 3 ވަނަ ހޯއްދެވި އޯގަން ވިދާޅުވެފައިވަނީ ދެވަނަ ބުރުގައި އޭނާ އެރެދޮގާންއަށް ތާއީދުކުރަން ނިންމީ، މި އިންތިޚާބުގައި އެރެދޮގާންގެ ޕާޓީން ޕާލަމެންޓުގެ މެޖޯރިޓީ ހޯދާފައިވާތީއެވެ.