އެމެރިކާގެ ކުރީގެ ރައީސް ޑޮނަލްޑް ޓަރަމްޕް ހައްޔަރު ކުރުމަށް އެގައުމުގެ ސަލާމަތީ ބާރުތަކުން ތައްޔާރު ވަމުންދާކަމަށް އޭނާ އަމިއްލަފުޅަށް ވިދާޅުވިފަހުން، ސޯޝަލް މީޑިއާގައި އެންމެ ބާރަށް ދައުރުވަމުންދާ ފޮޓޯތަކުގެ ތެރޭގައި، އެމެރިކާގެ ފުލުހުން ޓްރަމްޕް ހައްޔަރު ކުރާ މަންޒަރު ދައްކުވައިދާ ޚިޔާލީ ފޮޓޯތައް ވެގެން ހިގައްޖެއެވެ.
ސޯޝަލް މީޑިއާގައި ދައުރުވަމުންދާ މި ފޮޓޯތަކުން ފެންނަނީ އެމެރިކާގެ ރަޔަޓު ފުލުސް އޮފިސަރުންގެ ޓިީމަކުން ޓްރަމްޕް، ބާރުގެ ބޭނުން ކޮށްގެން ހައްޔަރު ކުރުމަށް މަސައްކަތް ކުރަމުންދާ މަންޒަރެވެ. އަދި މީގެ ތެރެއިން ބައެއް ފޮޓޯތަކުން ފެންނަނީ ފުލުސް އޮފިސަރުންނަށް ފިލަން ޓްރަމްޕް ދުއްވައިގަންނަ މަންޒަރުތަކެވެ.
ޓުވިޓަރގެ އިތުރުން އެހެން ސޯޝަލް މީޑިއާ ޕްލެޓްފޯމްތަކުގައިވެސް މި ފޮޓޯތައް ދައުރުވާން ފަށާފައިވަނީ ނިއުޔޯކުގެ ފުލުހުން ފާއިތުވި ހަފްތާގައި އޭނާ ހައްޔަރު ކުރާނެކަމަށް ޓްރަމްޕް ވިދާޅުވެފައި ވަނިކޮށެވެ.
Making pictures of Trump getting arrested while waiting for Trump's arrest. pic.twitter.com/4D2QQfUpLZ
— Eliot Higgins (@EliotHiggins) March 20, 2023
އެމެރިކާގެ ނިއުޔޯކު ސިޓީގެ ފުލުހުން އޭނާ ހައްޔަރު ކުރާނެކަމަށް ޓްރަމްޕް ވިދާޅުވެފައިވަނީ، ޕޯން ސްޓާރަކަށް (ބަރަހަނާ ފިލް ކުޅޭ މީހަކަށް) އޭނާ ފައިސާ ދިންކަމުގެ ތުހުމަތުގައި އެ ސިޓީގެ މުވައްސަސާތަކުން ތަހުގީގު ކޮށްފައިވާ މައްސަލާގައި ކަމަށްވެސް ޓްރަމްޕް ވިދާޅުވެފައި ވެއެވެ.
ސޯޝަލް މީޑިއާގައި ދައުރުވަމުންދާ މި ފޮޓޯތަކުން އެއީ އަސްލު ފޮޓޯތަކެއް ނޫންކަން އެގެން ހުންނަ ނަމަވެސް، މިފޮޓޯތައް އުފައްދާފައިވަނީ، އާންމުކޮށް ލިބެންހުންނަ، އާރޓިފިޝަލް އިންޓެލިޖެންސުން ފޮޓޯތައް އުފައްދާ އިމޭޖް ޖެނެރޭޓަރތައް ބޭނުން ކޮށްގެންނެވެ.
އަދި ކަމާއި ގުޅުންހުރި މާހިރުން ވިދާޅުވާ ގޮތުގައި މި ފޯޓޯތަކުން ދައްކުވައިދެނީ، ނުރަގަޅު މައުލޫމާތު ފަތުރާ މީހުން ހޯދަމުންދާ ކުރިއެރުމާއި، އަދި މުސްތަގުބަލުގައި ކުރިމަތިލާންޖެހޭނެ އާ ހަގީގަތްތައް ކަމުގައެވެ.
ޓްރަމްޕް ހައްޔަރުކުރާ މަންޒަރު ދައްކުވައިދާ ފޯޓޯތަކަށް އެތައްހާ ބަޔަކު ލައިކުދީ އަދި ރީޓުވީޓުވެސް ކޮށްފައި ވެއެވެ.
