ފާއިތުވި ހަފްތާގެ ހޯމަދުވަހު ތުރުކީއަށް އައި ބާރުގަދަ ބިންހެލުމުގެ ސަބަބުން ސީރިއާގައި 5.3 މީހުން ގެދޮރު ނެތިގެންދާނެކަމަށް ޔޫއެންއިން ބުނެފިއެވެ.
ޔޫއެންގެ ރެފިއުޖީ އޭޖެންސީ، UNHCR އިން ބުނެފައިވަނީ، އެ އޭޖެންސީން ދަނީ، ބިންހެލުމުގައި އެންމެ ބޮޑަށް ގެއްލުން ލިބުނު ސަރަހައްދުތަކަށް އެހީތެރިކަން ފޯރުކޮށް ދިނުމަށް މަސައްކަތް ކުރަމުން ކަމުގައެވެ.
ޔޫއެންގެ ރެފިއުޖީ އޭޖެންސީން ބުނެފައިވަނީ މީގެ އިތުރުން ސީރިއާގެ އެތެރޭގެ ބިންހެލުން އައި ސަރަހައްދުތައް ދޫކޮށް އެހެން ހިސާބުތަކަށް 6.8 މީހުން މިހާރު ހިޖުރަ ކޮށްފައިވާ ކަމުގައެވެ. އޭގެ އިތުރުން 900،000 މީހުންނަކީ ތުރުކީއާއި ސީރިއާގައި ކާނާއަށް ބޭނުންވެފައިވާ މީހުން ކަމުގައިވެސް ޔޫއެންއިން ބުނެފައި ވެއެވެ.
ފާއިތުވެދުޔަ ހަފްތާގެ ހޯމަދުވަހުގެރޭގެ ދަންވަރު ތުރުކީއާއި އަވައްޓެރި ސީރިއާއަށް އައި، ބާރުމިނުން 7.8ގެ ބިންހެލުމުގައި މިހާތަނަށް 24,000 އަށްވުރެ ގިނަ މީހުން މަރުވެފައިވާކަން ވަނީ ޔަގީން ކުރެވިފައެވެ. މީގެ ތެރެއިން 20,665 މީހުންނަކީ ތުކީގައި މަރުވެފައިވާ މީހުންނަށް ވާއިރު، 3,500 މީހުން މަރުވެފައިވަނީ ސީރިއާގައެވެ.
ތުރުކީއަށް އައި ބިންހެލުމުގެ އަސަރު ސީރިއާއިން ބޮޑަށް ކޮށްފައިވަނީ، އެގައުމުގައި ވަކިވެގަތުމަށް ހަގުރާމަ ކުރަމުންދާ ޖަމާއަތްތަކުގެ ބާރުގެ ދަށުގައިވާ ސަރަހައްދު ތަކަށެވެ. އަދި ސީރިއާގެ ސަރުކާރުން މިހާރުވަނީ ި ސަރަހައްދުތަކަށް އެހީ ފޯރުކޮށްދިނުމުގެ ހުއްދަވެސް ދޫކޮށްފައެވެ. އަދި ތުރުކީންވެސް ބުނެފައިވަނީ މި ސަރަހައްދުތަކަށް އެހީ ގެންދެވޭނެ އިތުރު މަގުތައް ހުޅުވުމަށް އެގައުމުންވެސް މަސައްކަތް ކުރަމުން ދާކަމުގައެވެ.
