ޖިންސީ ނިޔަތެއް އޮވެގެން ކުޑަ ކުއްޖެއްގެ ގައިގައި އަތްލި މީހަކު 10 އަހަރަށް ޖަލަށްލާން ކްރިމިނަލް ކޯޓުން ހުކުމް ކޮށްފިއެވެ.
އެ މައްސަލައިގައި ހުކުމް އިއްވާފައި ވަނީ ބ.ތުޅާދޫ / ހިޔާވަހި، އުނައިސް އަޙްމަދުއެވެ. އުނައިސްގެ މައްޗަށް ދައުލަތުން ދައުވާ ކޮށްފައިވަނީ ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުމުގެ ކުށުގެ ދަޢުވާއެވެ. މި ދައުވާއަށް އޭނާ އިންކާރު ކޮށްފައިވީނަމަވެސް، ދަޢުވާގައި ބަޔާންކުރާ ވާޤިޢާ އެގޮތުގައި ހިނގާފައިވާކަމަށް އިޤުތިނާޢުވެވޭ މިންވަރަށް ދައުލަތުން ހެކި ހުށަހަޅާފައިވާތީ، އުނައިސް އަޙްމަދުގެ މައްޗަށް ދައުލަތުން ކުޅަ ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުމުގެ ކުށުގެ ދަޢުވާ، ޝައްކެއް ނެތް މިންވަރަށް ޝަރީއަތަށް ސާބިތުވާ ކަމަށް ކްރިމިނަލް ކޯޓުން ވަނީ ކަނޑައަޅާފައެވެ.
ކުޑަކުދިންނަށް ޖިންސީ ގޯނާ ކުރާ މީހުންނާމެދު އަމަލުކުރާ ހާއްސަ ގާނޫނުގެ ދަށުން ދައުލަތުން އޭނާގެ މައްޗަށް ދައުވާކުރީ ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުމުގެ ކުށުގެ ދައުވާއެވެ. އެ ދައުވާއަށް އޭނާ އިންކާރު ކުރި ނަމަވެސް، ދައުވާގައި ބަޔާންކުރާ ވާގިއާ އެގޮތުގައި ހިނގާފައިވާ ކަމަށް ސާބިތު ކުރެވޭ ވަރަށް ޝަރީއަތަށް ހެކި ލިބިފައިވާ ކަމަށް ހުކުމުގައި ބުނެފައިވެއެވެ.
ދައުވާ ލިބޭ މީހާ ވަނީ ތަހުގީގު މަރުހަލާ އާއި ޝަރީއަތުގެ މަރުހަލާގައި ދެ އަހަރާ ހަމަހާއި ހަ ދުވަސް ޖަލުގައި ހޭދަކޮށްފައެވެ. އެހެންކަމުން އެ މުއްދަތު އުނިކުރުމުން އޭނާ ހަތް އަހަރާއި ފަސްމަހާއި 24 ދުވަހު ޖަލުގައި ހޭދަކުރަން ޖެހޭނެއެވެ
