ޖިންސީ ފުރައްސާރައިގެ މައްސަލައެއްގައި ބިދޭސީއަކު ހޯދަން އިއުލާންކޮށްފިއެވެ.
ފުލުހުން ހޯދަން އިއުލާން ކޮށްފައިވަނީ ޖަލީލް މިއާ، ބަންގްލަދޭޝް (35އ)، ޕާސްޕޯޓް ނަންބަރު: EJ0659965 އެވެ. ފުލުހުން ބުނެފައިވަނީ އޭނާ އަކީ ހުޅުމާލެ ފޭސް 1 ޕޮލިސް ސްޓޭޝަނުން ތަހުގީގު ކުރަމުންދާ ޖިންސީ ފުރައްސާރައިގެ މައްސަލައިގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައިނުވާ މީހެއްކަމަށެވެ.
މިކަމާއ ގުޅޭގޮތުން ތަހުގީގުގައި ސުވާލު ކުރުމަށް މިމަހުގެ 18 ވަނަ ދުވަހު 11 ޖަހާއިރަށް ހުޅުމާލެ ފޭސް 1 ޕޮލިސް ސްޓޭޝަނަށް ނުވަތަ އެންމެ ކައިރީގައިވާ ފުލުހުންގެ މަރުކަޒަކަށް، އައުމަށް ފުލުހުން ވަނީ އަންގާފައެވެ.
މިމީހާއާ ބެހޭ އެއްވެސް މައުލޫމާތު ލިބިފައިވާނަމަ ހުޅުމާލެ ފޭސް 1 ޕޮލިސް ސްޓޭޝަންގެ ނަންބަރު 9980062 އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިފައެވެ.
