އެތުލެޓިކޯ މެޑްރިޑަށް ކުޅެމުން އަންނަ މިޑްފީލްޑަރު ތޯމަސް ޕާޓޭ އާސެނަލްއަށް ބަދަލު ވެއްޖެއެވެ.
އާސެނަލްއިން މިޑްފީލްޑަރު ޕާޓޭގެ ސޮއި ހޯދީ 45.3 މިލިއަން ޕައުންޑްގެ ރިލީސް ފީ ދައްކައިގެންނެވެ. އެތުލެޓިކޯއިން ޕާޓޭގެ ޓްރާންސްފާގައި އިތުރު ގޮތަކަށް އެއްބަސް ނުވާނެ ކަމަށް ކުރިންވެސް އޮތީ ބުނެފައެވެ.
ޕާޓޭއަކީ މުހިއްމު ކުޅުންތެރިއެވެ. 2011 ވަނަ އަހަރު އެތުލެޓިކޯއާ ގުޅުނުފަހުން ޕާޓޭ ވަނީ 188 މެޗު އެޓީމަށް ކުޅެފައެވެ.
މި ސީޒަނަށް ރަނގަޅަށް ތައްޔާރުވި އާސެނަލްއިން ވަނީ މިހާތަނަށް ބްރެޒިލްގެ ޑިފެންޑަރު ގެބްރިއަލް އާއި ޗެލްސީއަށް ކުޅެމުންދިޔަ ވިލިއަންވެސް ކްލަބަށް ގެންގޮސްފައެވެ. އޭގެ އިތުރުން މިދިޔަ ސީޒަންގައި ލޯނަށް އާސެނަލްއަށް ކުޅުނު ޑެނީ ސެބަލޯސްގެ ޓްރާންސްފާ އާސެނަލްއިން ވަނީ ދާއިމީ ކޮށްފައެވެ. އާސެނަލްއިން ވިލިއަން ގެންގޮސްފައި ވަނީ ހިލޭ ޓްރާންސްފާއެއްގަ އެވެ.
ކޮމެންޓު ފޮނުވާ