14 އަހަރުގެ ކުއްޖަކާއި ޖިންސީ ގުޅުން ހިންގަން އުޅުނު މައްސަލައެއްގައި 35 އަހަރުގެ މީހަކު ހައްޔަރުކޮށްފި އެވެ.
ފުލުހުން ވިދާޅުވީ ސައުތު ސެންޓްރަލް ޕޮލިސް ޑިވިޝަން (ތ،ލ) ހިމެނޭ އަތޮޅުގެ ރަށެއްގައި އެކި ދުވަސް މަތިން 14 އަހަރުގެ އަންހެން ކުއްޖަކު ގްރޫމްކޮށް ޖިންސީ އަމަލު ހިންގުމަށް ހިއްވަރުދީ ޖިންސީ ގުޅުން ހިންގަން އުޅުނު ކަމުގެ މައްސަލައެއް މިދިޔަ މަހުގެ 30 ވަނަ ދުވަހު ފުލުހުންނަށް ހުށަހެޅިފައިވާކަމަށެވެ.
މިމައްސަލައާއި ގުޅިގެން މިމަހުގެ 5 ވަނަ ދުވަހު ކޯޓް އަމުރެއްގެ ދަށުން 35 އަހަރުގެ ދިވެހި ފިރިހެނަކު ހައްޔަރުކޮށްފައިވާކަމަށް ފުލުހުން ވިދާޅުވެ އެވެ. މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
ކުޑަކުދިންނާއި ގުޅޭ މައްސަލަތަކަކީ ސީރިއަސް މައްސަލަތަކަށްވާތީއާއި ކުއްޖާގެ ރައްކާތެރިކަމަށްޓަކައި އެ ކުއްޖާގެ ޒާތީ އެއްވެސް މަޢުލޫމާތެއް ފުލުހުން ހާމަކުރައްވާފައެއް ނުވެއެވެ.
ކޮމެންޓު ފޮނުވާ