އެމްޑީޕީގެ ޗެއާޕާސަން އިންތިޚާބާއި ގުޅިގެން ރާއްޖެ ޓީވީން މާދަމާރޭ ކުރިއަށް ގެންދިއުމަށް ރޭވި ބަހުސްގައި އިމްތިޔާޒު ފަހުމީއަށް ވަގުތު ދެވެން ނެތުމުން ބަހުސް ކެންސަލް ކޮށްފިއެވެ.
ފައްޔާޟުގެ ކެމްޕެއިން މެނޭޖަރ އިބްރާހިމް ވަހީދު (އިބުރޭ) ވަނީ މާދަމާރޭ ބޭއްވުމަށް ހަމަޖެއްސި ބަހުސްގައި ފައްޔާޟު ބައިވެރިވެ ވަޑައިގަންނަވާނެކަމަށްވެސް އިއުލާން ކުރައްވާފައެވެ. އޭގެ މާގިނަ އިރުތަކެއް ނުވަނީސް ބަހުސްގައި އިންތިއަށް ވަގުތު ދެވެން ނެތްކަން އެންގުމުން ބަހުސް ކެންސަލް ކޮށްފައިވާކަމަށް އަންގާފައިވާ ކަމުގައި އޭނާ ބުނެފައިވެއެވެ.
ވާދަވެރި ކެނޑިޑޭޓަށް ވަގުތު ދެވެން ނެތިގެން މާދަމާރޭގެ ބަހުސް ނޯންނާނެ ވާހަކަ ރާއްޖެޓީން އަންގައިފި. ފައްޔާޟުގެ ތަރުޖަމާނު ކުރި ޓުވީޓުގައި ބުނެފައިވެއެވެ.
އެމްޑީޕީގެ ޗެއާޕާސަން އިންތިޚާބުގައި ދެކެނޑިޑޭޓުންވެސް އެންމެ ބޮޑަށް އިސްކަންދެނީ އާންމު މެމްބަރުންނާއި ބައްދަލު ކުރުމަށެެވެ. އެގޮތުން ރަށްރަށަށް ގޮސް އާންމު މެމްބަރުންނާއި ބައްދަލުކޮށް ވޯޓު ހޯދުމަށް ގިނަ މަސައްކަތްތަކެއް ދަނީ ކުރަމުންނެވެ.
ދެކެނޑިޑޭޓުންގެވެސް އަޒުމަކީ އިންތިޚާބުގެ ވޯޓުލުމުގެ ކުރިން ރާއްޖޭގެ ހުރިިހާ ރަށެއްގައި ތިބި އެމްޑީޕީގެ އާންމު މެމްބަރުންނާއި ހަމައަށް ގޮސް ކެމްޕެއިން ކުރުމެވެ. މިޓާގެޓަށް ވާސިލްވުމަށް ކުުރިއަށް އޮތީ މަދު ދުވަސްތަކަކަށް ވުމުން ދަތުތައް އިތުރަށް ބާރުބޮޑުވެގެންދާނެ ކަމަށް ބެލެވެއެވެ.
އެމްޑީޕީގެ ޗެއާޕާސަންގެ އިންތިޚާބު ބޭއްވުމަށް ހަމަޖެހިފައިވަނީ މިމަހުގެ 14 ވަނަ ދުވަހުއެވެ.
ކޮމެންޓު ފޮނުވާ