އާސެނަލް އަށް ކުޅެމުން އަންނަ ގާނާ މިޑްފީލްޑަރު ތޯމަސް ޕާޓޭގެ އިސްލާމް ވެއްޖެއެވެ.
އިނގިރޭސި ވިލާތުގެ ކުޅިވަރު ނޫސްވެރިޔަކު ކުރި ޓުވީޓުގައި ބުނެފައިވަނީ ތޯމަސް ޕާޓޭ އިސްލާމްވެފައިވާކަމަށެވެ. އޭނާ މުސްލިމުވިކަން ހާމަކުރި ފޮޓޯގައި ޕާޓޭ ހުރީ ހަތިމެއްގައި އަތްލައިގެންނެވެ.
Thomas Partey has converted to Islam.
Congratulations, @Thomaspartey22! ❤️ pic.twitter.com/m3M4x2jbTK
— Connor Humm (@TikiTakaConnor) March 18, 2022
އާސެނަލަށް މިހާރު ކުޅެމުންދާ ހުނަރުވެރި މިޑްފީލްޑަރު ޕާޓޭ ގެނައީ އެތުލެޓިކޯއާ އެކު އޭނާ ހަދާފައިވާ ކޮންޓްރެކްޓް އުވާލަން ދައްކަން ޖެހޭ 59 މިލިއަން ޑޮލަރު ދައްކައިގެންނެވެ. އުމުރުން 27 އަހަރުގެ ޕާޓޭ ވަނީ 2015 އިން ފެށިގެން އެތުލެޓިކޯ އަށް 188 މެޗު ކުޅެދީފައެވެ.
ދުނިޔޭގެ މަޝްހޫރު ބައެއް ކުޅުންތެރިން ދޭތެރެ ދޭތެރެއިން އިސްލާމްދީނަށް ވަންނަމުން ދެއެވެ. އެގޮތުން އޭސީ މިލާން، އިންޓަ މިލާން، ރެއާލް މެޑްރިޑް އަދި އަޔެކްސް އަށް ވެސް ކުޅުނު ވަރުގަދަ މިޑްފީލްޑަރު ކްލެރެންސް ސީޑޯފް ވެސް ވަނީ ދާދިފަހުން އިސްލާމް ވެފައެވެ.
