ދިވެހިރާއްޖެއާއި ގަތަރާ ދެމެދު އިގްތިސާދީ ގުޅުން ފުޅާކޮށް، އައު އިންވެސްޓްމަންޓް ފުރުސަތުތައް ހޯދުމަށް ފިނޭންސް މިނިސްޓަރު ޙަސަން ޒަރީރު، ގަތަރުގެ ފިނޭންސް މިނިސްޓަރު ޢަލީ ބިން އަޙްމަދު އަލް ކުވާރީއާއެކު މަޝްވަރާކުރައްވައިފި އެވެ.
ދެ ވަޒީރުން ބައްދަލުކުރެއްވީ ގަތަރުގެ ވެރިރަށް ދޯހާގައި ކުރިއަށްދާ އޭޝިއަން އިންފްރާސްޓްރަކްޗަރ އިންވެސްޓްމަންޓް ބޭންކުގެ އަހަރީ ބައްދަލުވުމާ ގުޅިގެން އެވެ.
ފިނޭންސް މިނިސްޓްރީން ބުނީ، ދެ ގައުމުގެ ވިޔަފާރީގެ ގުޅުމާއި އިގްތިސާދީ ގުޅުން އިތުރަށް ވަރުގަދަކުރެވޭނެ ގޮތްތަކާ މެދު މި ބައްދަލުވުމުގައި ވާހަކަދެއްކެވި ކަމަށެވެ. އަދި އަމިއްލަ ސެކްޓަރު ކުރިއެރުވުމާއި، ދެ ގައުމަށް ވެސް ފައިދާ ކުރާނެ އައު އިންވެސްޓްމަންޓް ދާއިރާތައް ދެނެގަތުމާ ބެހޭގޮތުން ވެސް މަޝްވަރާކުރެއްވި ކަމަށް މިނިސްޓްރީން ބުނެ އެވެ.
ކޮމެންޓު ފޮނުވާ