ޝަކުން ބަޓްރާގެ ފިލްމު "ގެހެރާއިޔާ"ގެ ޓީމުން އަނައްނިޔާގެ ގެއަށް ދިއުމަށް އެތައް ފަހަރަކު އެދުނު ނަމަވެސް އޭނާ އެކަމަށް އިންކާރު ކުރީ ކީތްވެގެން ކަން ހާމަކޮށްފިއެވެ.
އަނައްނިޔާ އޭނާގެ ރަހުމަތެރިންވެސް އަދި އެކުގައި މަސައްކަތް ކުރާ މީހުންވެސް ގެއަށް ނުގެންދަނީ ބައްޕަ އުޅޭ ގޮތުން ކަމަށް ބުނެއެވެ. ޔޫޓިއުބް ޗެނަލް "ސައިރަސް ބްރޯޗާ"ގެ އިންޓަވިއުއެއްގައި ވާހަކަ ދައްކަމުން އަނައްނިޔާ ބުނެފައިވަނީ ގެއަށް މީހުން ގެންދަން ބޭނުންނުވަނީ ބައްޕަގެ ސަބަބުން ކަމަށެވެ.
އެގޮތުން އޭނާގެ ބައްޕަ، އެކްޓަރ ޗަންކީ ޕާންޑޭ ތުވާލި އަނދެލައިގެން ވެސް މުޅި ގޭ ތެރޭގައި އުޅޭ ކަމަށާއި، އެކަން އެނގިހުރެ އެ ގެއަށް ދާން ބޭނުންވާ ނަމަ، ގެއަށް ގެންދެވިދާނެ ކަމަށް އަނައްނިޔާ ބުންޏެވެ.
މީގެ ދެ އަހަރު ކުރިން "ސްޓޫޑެންޓް އޮފް ދަ އިޔާ 2″ އަކުން ބޮލީވުޑަށް ނުކުތް އަނަންނިޔާ އަންނަނީ ބޮލީވުޑްގައި މަޑުމަޑުން ކުރިއަށް ދިއުމަށް މަސައްކަތް ކުރަމުންނެވެ. އެގޮޮތުން މިހާރުވެސް އޭނާގެ އަތުގައި މަސައްކަތްތަކެއް އެބަހުއްޓެވެ.
