ބޮލީވުޑްގެ މަޝްހޫރުތަރި ޝާހިދު ކަޕޫރާއި އޭނާގެ އަންހެނުން އެމީހުންގެ އައުގޭގެ މަސައްކަތް ކުރިއަށްދާގޮތް ބަލާލައިފިއެވެ.
ދެބުރިއަށްހަދާ މިގޭގެ ސިޑިމަތީގައި ނަގާފައިވާ ފޮޓޯއެއް ޝާހިދުގެ އަންހެނުން މީރާ ވަނީ ހިއްސާކޮށްފައެވެ. މީރާ އޭނާގެ އިންސްޓަގްރާމް ސްޓޯރީގައި މި ފޮޓޯ ހިއްސާކުރަމުން ބުނެފައިވަނީ ކޮންމެ ވަގުތަކު އެއްފިޔަވަޅު ކުރިއަށް އަޅަނީކަމަށެވެ.
އަދި އެއްކޮށް ހަދާ ނުނިމޭ މިގޭގެ މަސައްކަތް ބަލަމުން ދިޔަ އިރު ޝާހިދު ވަރަށްބޮޑަށް މީރާއަށް ކަންތައްތައް ކިޔައިދީ ބުނެދެމުންދާ ކަހަލަ ގޮތަކަށް މަންޒަރު ފެނެއެވެ.
މިދެމަފިރިން ދޭތެރެ ދޭތެރެއިން ގޭގެ މަސައްކަތް ކުރިއަށްދާގޮތް ބަލާލުމަށް ސައިޓަށް ދެއެވެ. މިހާރު މިދެމަފިރިން އެމީހުންގެ ދެކުދިން ކަމަށްވާ މިޝާ އަދި ޒައިން އާއެކު ދިރިއުޅެމުންދަނީ ޖުހޫގައެވެ.
ޝާހިދު ކަޕޫރު ދެން އެންމެ އަވަހަށް ފެނިގެންދާނީ ސްޕޯޓްސް ޑްރާމާ، ފިލްމް "ޖާޒީ"އިންނެވެ.
