އޯގަސްޓްމަހުގެ ނިޔަލަށް ވެކްސިންގެ ދެޑޯޒް ފުރިހަމަކުރި މީހުންގެ ނިސްބަތް %90އަށް ހެދުމަށް ސަރުކާރުން ކަނޑައެޅި އަމާޒު ހާސިލެއް ނުވިއެވެ.
ރާއްޖޭގެ އާބާދީގެ ވެކްސިން ޖެހޭ ޢުމުރުގެ ހުރިހާ އެންމެނަށް ވެކްސިން ހޯދުމަށްފަހު ސަރުކާރުން އަމާޒުހިފީ އޯގަސްޓް މަސް ނިމުމުގެ ކުރިން ވެކްސިން ޖެހި މީހުންގެ ނިސްބަތް %90އަށް ހަމަކުރާށެވެ. ނަމަވެސް ހާސިލުވީ %66 އެވެ.
ރާއްޖެއަކީ ދުނިޔޭގެ ޤައުމުތަކަށް ބަލާއިރުވެސް އެންމެ ފުރަތަމަ ވެކްސިން ޖެހުމުގެ ކަންކަން ފެށި އެއް ޤައުމެވެ. މިހާތަނަށް ރާއްޖޭގަ ވެކްސިންގެ ދެ ޑޯޒް ފުރިހަމަކުރި މީހުންގެ އަދަދުވަނީ 300،000 އިން މައްޗަށް އަރާފައެވެ.
COVID-19 : Vaccination Updates
29.08.2021
Number of people who have received the first dose –
Greater Malé Area: 165
Atolls: 247Number of people who have received the second dose –
Greater Malé Area: 189
Atolls: 145 pic.twitter.com/ga7PnNhoA6— Health Protection Agency (@HPA_MV) August 30, 2021
މާލެ ސަރަޙައްދުގައި އެސްޓްރާޒެނެކާ ވެކްސިން ޖަހާދޭ ސެންޓަރުތަކަކީ ސޯޝަލް ސެންޓަރ، އިސްލާމިކް ސެންޓަރ، އަރޓް ގެލަރީ އަދި ވިލިމާލެ ހޮސްޕިޓަލްގެ ވެކްސިނޭޝަން ސެންޓަރުންނެވެ. މި ތަންތަނުން އެޕޮއިންޓްމަންޓާ ނުލާ މިހާރު ވެކްސިން ޖެހޭނެއެވެ.
ރާއްޖޭގައި އަންނަނީ ޢުމުރުން 12 އަހަރުން މަތީގެ އެންމެނަށް ވެކްސިން ޖެހަމުންނެވެ. މިގޮތުން 12 އަހަރާއި 17އަހަރާއި ދެމެދުގެ ޢުމުރުފުރާގެ ކުދިންނަށް ޖަހައިދެނީ ފައިޒާ ވެކްސިނެވެ. އަދި ޚާއްޞަ އެހީއަށް ބޭނުންވާ ފަރާތްތަކާއި ދާއިމީ ބަލިތަކަށް ފަރުވާ ހޯދާމީހުންނާއި މާބަނޑު މީހުންނަށްވެސް ފައިޒާ ވެކްސިން ޖަހައިދެއެވެ.
އެހެނިހެން ފަރާތްތަކަށް ޖަހަނީ އެސްޓްރަޒެނެކާ ވެކްސިނެވެ.
ކޮމެންޓު ފޮނުވާ