ގދ.ވާދޫ ކައުންސިލް މެމްބަރަކު އިދިކޮޅު ޕްރޮގްރެސިވް ކޯލިޝަނާއި ގުޅިއްޖެއެވެ.
އިދިކޮޅު ކޯލިޝަނާއި ގުޅުނު ވާދޫ ކައުންސިލަރަކީ އަމިއްލަ ގޮތުން އިންތިޚާބުވި މެމްބަރެކެވެ. މިއީ ވާދޫ ކައުންސިލުގައި ޕީޕީއެމް ތަމްސީލް ކުރާނެ ހަމައެކަނި މެމްބަރެވެ. ވާދޫ ކައުސިލްގައި ދެން ހިމެނެނީ، ވެރިކަންކަން ކުރާ އެމްޑީޕީގެ މެމްބަރަކާއި، މިނިވަން މެމްބަރުންނެވެ.
GDh.Vadhoo Rashu Council ah amilla gothun hovivadaigennevi Councilor eh ppm ah soe kurevvaifi. #MavesPPM#FreeRaeesYameen pic.twitter.com/rZttO5bX5X
— Dr. Abdulla Khaleel (@abkhaleel) August 20, 2021
އިދިކޮޅު ޕްރޮގްރެސިވް ކޯލިޝަނުން އައްޑޫ ސިޓީއަށާއި، ގދ.އަތޮޅުގެ ދެރަށަށް ކުރާ ދަތުރުގައި، އައްޑު ސިޓީއާއި، ގދ.ގައްދޫ އިން ގިނަ ބަޔަކު ވަނީ އެޕާޓީއާއި ގުޅިފައެވެ.ގދ.ގައްދޫއަށް ކުރި ދަތުރުގައި ރޭވަނީ ޚާއްސަ ޖަލްސާއެއްވެސް ބާއްވާފައެވެ. މިޖަލްސާގައި ޕީޕީއެމްގެ ނާއިބް ރައީސް އަދި ގުރަދޫ ދާއިރާގެ މެމްބަރު މުހައްމަދު ޣައްސާން މައުމޫންއާއި، ޕީޕީއެމްގެ ނާއިބް ރައީސް އަހުމަދު ޝިޔާމް މުހައްމަދާއި، ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފް އިތުރުން މުއާޒު މުހައްމަދު ރަޝީދުވެސް ވާހަކަ ދައްކަވާފައިވެއެވެ.
މިޖަލްސާގައިވެސް ޕީޕީއެމްއާއި އަލަށް ގުޅުނު މެމްބަރުން ވަނީ ސޮއިކޮށްފައެވެ. ދެދުވަސް މަތީން ގައްދޫގައި ހަރަކާތްތެރިވި ޕީޕީއެމް ޓީމުންވަނީ ރައްޔިތުންގެ ކައިރިއަށް ގޮސް، ރައްޔިތުންގެ ހުރި ކަންބޮޑުވުން އޮޅުންފިލުވާފައެވެ.
ޕީޕީއެމްގެ ޓީމުތަކުން އަތޮޅުތަކަށް ކުރަމުން ގެންދާ މިދަތުރުތަކުގައި ކުރިއަށް އޮތް ރިޔާސީ އިންތިހާބަށް އެ ޕާޓީން އެކުލަވާލާ މެނިފެސްޓޯ އަށް ރައްޔިތުންގެ ހިޔާލު ހޯދުމަށްވެސް ނިންމާފައިވެއެވެ. މީގެއިތުރުން ޕީޕީއެމްގެ ރައީސް އަދި ކުރީގެ ރައީސް އަބްދުﷲ ޔާމީން މިނިވަންކުރުމަށް ޕީޕީއެމުން ކުރާ މަސައްކަތްތައް އިތުރަށް ވަރުގަދަކުރުމަށް ރައްޔިތުންގެ އެހީތެރިކަމަށް އެދުމަށްވެސް ނިންމާފައިވެއެވެ.
