ހުޅުމާލެ ރީތި، ކަމާއި ސާފު ތަނަކަށް ހެދުމަށް މަސައްކަތްކުރާ ދައްތަމެންނަށް ޖޫސްޕެޓީ ބަހާނެކަމަށް ހުޅުމާލެ ދާއިރާގެ މެމްބަރު އިބްރަހިމް ޝުޖާ ވެވަޑައިގެންވި ވަޢުދު ފުއްދަން ފަށައިފިއެވެ.
ޝުޖާނީ ކައުންސިލް ކެމްޕެއިންގައި އޭނާ ގެންގުޅުއްވި ނޯޓްފޮތުގައި ލިޔުއްވާފައިވާ ކަންކަން އަނެއްކާވެސް ހަނދާނަށް ގެނެސްފައެވެ. އެގޮތުން އަތިރިމަތި ކުނިކަހާ ދައްތަމެންނަށް ޖޫސްޕެޓީ ލިބޭނެ ކަމަށް ވެފައިވާ ވައުދު މަތީން ޝުޖާވަނީ ހަދާންކޮށް ދެއްވާފައެވެ.
ޝުޖާ ވަނީ އޮފީސް ގަޑީގައި ދައްތަމެންނަށް ޖޫސްޕެޓީ ހިފައިގެން ގޮސްބަހާފައެވެ. އަދި ކުރެއްވި ޓްވީޓުގައި ވިދާޅުވީ ދައްތަމެން ކުރައްވާ މަސައްކަތަކީ ހެޔޮހިތުން ބަލައި ގަންނަ މަސައްކަތެއް ކަމަށެވެ. ކޮންމެ ދުވަހަކު ރަތްދެކަ އަވީގައި ކުރަމުންދާ މަސައްކަތަށް މިހާރު ލިބެމުންދަނީ ހައްގު އުޖޫރަ ނޫންކަމަށާއި، އެކަންވެސް ބަދަލު ކުރުމަށް ކުރަންޖެހޭ ހުރިހާ މަސައްކަތެއް ކުރާނެކަމަށް ޝުޖާ ވިދާޅުވިއެވެ.
ދައްތަމެން ތިކުރައްވަނީ ބުރަ ބޮޑު މަސައްކަތެއް. ހުޅުމާލެ އަކީ ސާފު ތަނެއްގެ ގޮތުގައި ބޭއްވުމަށް ރަތްދަކަ އަވީގައި ތިޔަކުރައްވާ މަސައްކަތުގެ އަގުވަޒަން ކުރާ މީހަކަށް އަޅުގަނޑު ވާނަން. ދައްތަމެން ތިޔަ ކުރައްވާ މަސައްކަތައް ލިބެނީ ހައްޤު މިންވަރެއްނޫން. މާލެ ސިޓީ ކައުންސިލްގެ ދަށަށް ހުޅުމާލެ މުނިސިޕަލް ޚިދުމަތް ބަދަލުވުމުން ދައްތަމެންނަށް މިހާރު ލިބޭ އުޖޫރަ ބޮޑުކުރާނަން.
– ޝުޖާ ވިދާޅުވިއެވެ.
﷽
-އަޅުގަނޑުގެ ކެންޕެއިން ނޯޓުފޮތުން-
އަތިރިމަތި ކުނިކަހާ ދައްތަމެންނަށް ޖޫސްޕެޓީ ލިބޭނެ.
ދައްތަމެން ތިކުރައްވަނީ ބުރަ ބޮޑު މަސައްކަތެއް.ހުޅުމާލެ އަކީ ސާފު ތަނެއްގެ ގޮތުގައި ބޭއްވުމަށް ރަތްދަކަ އަވީގައި ތިޔަކުރައްވާ މަސައްކަތުގެ އަގުވަޒަން ކުރާ މީހަކަށް އަޅުގަނޑު ވާނަން 1/2 pic.twitter.com/dz19gYzBHF— Ibrahim Shujau (@IbrahimShujaau) August 19, 2021
ޝުޖާ ގެންދަވަނީ ހުޅުމާލޭގެ އެކި މަސައްކަތް ތެރިންނާއި، ހުޅުމާލޭގައި ދިރިއުޅޭ ރައްޔިތުންގެ ގާތަށް ޒިޔާރަތްކޮށް ހުރި މައްސަލަތައް ކެމްޕެއިން ތެރޭގައި ދެނެގަނެ ނޯޓްކޮށްފައެވެ. އަދި އޭރު ވައުދުވެ ވަޑައިގެންނެވި ގޮތަށް މިހާރު އެވައިދުތައް ފުއްދުމަށް އޭނާ ދަނީ މަސައްކަތް ކުރަމުންނެވެ.
ކޮމެންޓު ފޮނުވާ