ބޮލީވުޑް ތަރިންގެ ޖޯޑެއް ކަމަށްވާ ކިރަން ކޭރާއި އަނޫޕަމް ކޭރް ކައިވެނި ކޮށްފައިވަނީ 1985އަހަރު އެވެ. މި ދެމީހުންނަކީ ކިރަން ކޭރްގެ ފުރަތަމަ ކައިވެނިން ލިބުނު ދަރިފުޅު ސިކަންދަރް ކޭރްގެ ބެލެނިވެރިން ނެވެ.
2013 ވަނަ އަހަރު ދިން އިންޓަވިއުއެއްގައި ކިރަން ބުނެފައިވަނީ އޭނާ އާއި އަނޫޕަމް އަކީ ވަރަށް ގާތް ދެމީހުން ކަމަށެވެ. އަދި ކައިވެނީގެ ކުރިން އެދެމީހުންގެ ގުޅުން ރައްޓެހިކަމަށްވުރެން ބޮޑަށް ބަދަހިވެފައި ނުވަކަމަށެވެ. އޭރުގައި ދެމީހުން ވެސް ތިބީ އެހެން މީހުންނާއި ކައިވެނި ކޮށްގެންނެވެ.
" އަހަރެން އެންމެ ފުރަތަމަ ބޮމްބޭ އަށް އައިއިރު އަހަރެން އުޅުނީ ގޯތަމްއާއި ކައިވެނި ކޮށްގެން. އެހެންނަމަވެސް ކައިވެނީގައި ވަރަށް މައްސަލަތައް ހުރި. އޭރު އަނޫޕަމް އާއި ދެމީހުންނަކީ ހަމައެކެނި ރައްޓެހިން އަދި އަހަރުމެން ބައެއް ފަހަރު އެކުގައި ޕްލޭތައް ކުޅެ އުޅުނީން. އެއް ފަހަރެއްގައި ކަލްކައްތާއަށް ޕްލޭއެއްގައި ގޮސް އުޅުނު އިރު އަނޫޕަމް ބުނީ އޭނާއަށް ހީވަނީ އޭނާއަށް އަހަރެން ދެކެ ލޯބިވެވިއްޖެ ހެންނޭ. އެހިސާބުން އަސްލު އެހެން ގޮތަކަށް ވިސްނެންފެށި. އެއަށްފަހު އެނބުރި އައިސް އަހަރެން ވަރިވެގެން އަނުޕަމް އާއި ކައިވެނި ކުރީ"
– ކިރަން
ކައިވެންޏަށް ފަހު ކިރަން ވަނީ ކޮންމެވެސް ވަރަކަށް ފިލްމު ކުޅުމާއި ދުރައްޖެހިލާފަ އެވެ. ކިރަން އަކީ މިހާރު އިންޑިއާގެ ގާނޫނު ހަދާ މަޖިލީހުގެ ތިރިގޭގެ މެމްބަރެކެވެ.
Happy birthday dearest #Kirron!! May God give you long, healthy & happy life. People world over love you for the person you are! You deal with every situation in life with an amazing inner strength & grace! Stay healthy & stay safe! Love & prayers always!! ??? @KirronKherBJP pic.twitter.com/zijAT4ynjp
— Anupam Kher (@AnupamPKher) June 14, 2021
އަނޫޕަމް ވަނީ ވަރަށް ފަހުން ކިރަން، ކެންސަރު ބަލީގެ ޝިކާރައަކަށް ވެފައިކަމަށް ބުނެފައެވެ. އަދި ފަރުވާގައި ރަނގަޅު ކުރިއެރުންތަކެއް ލިބެމުން އަންނަ ކަމަށްވެސް ވަނީ ބުނެފައެވެ.
