ދިވެހިރާއްޖެ އާއި އިޒްރޭލާއި ދެމެދު ވައިގެ ސީދާ ދަތުރުތައް ބޭއްވުމަށް ނިންމާފައިވާކަމަށް ބުނެ ދައްކަމުންދަނީ ހަޤީޤަތާއި ޙީލާފް ވާހަކަތަކެއްކަމަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ހާމަކޮށްފިއެވެ.
ޓްރާންސްޕޯޓް މިނިސްޓްރީން މިކަން ހާމަކޮށްފައި މިވަނީ ރާއްޖެއާއި އިސްރާއީލާ ދެމެދު ސީދާ ދަތުރުތައް ފެށުމަށް ނިންމާފައިވާކަމަށް އިސްރާއީލުގެ ބައެއް މީޑިއާތަކުން ރިޕޯޓްކުރުމާއި ގުޅިގެނެވެ. ރާއްޖެއާއި އިސްރާއިލްއާއި ދެމެދު ވައިގެ ދަތުރުފަތުުރުތަށް ފަށަން އުޅޭ ކަމަށް ވާހަކަ ދެކެވެން ފެށީ އިސްރާއިލް ހަޔޫމް ކިޔާ ވެބްސައިޓެއްގައި އެއަރ ސީޝެލްސްއިން ސެޕްޓެމްބަރުމަހު އިސްރާއިލާއި ރާއްޖެއާއި ދެމެދު ވައިގެ ދަތުރުތައް ފަށަން އުޅޭ ކަމަށް ބުނެ ޝާއިއު ކުރި ހަބަަރަކާއި ގުޅިގެންނެވެ.
ޓްރާންސްޕޯޓް މިނިސްޓްރީން މިކަމާއި ގުޅޭގޮތުން ނެރުނު ނޫސް ބަޔާނުގައި ބުނީ ރާއްޖެއާއި އިޒްރޭލާއި ދެމެދު ވައިގެ ދަތުރުފަތުރު ކުރުމާއި ގުޅޭ ގޮތުން މިހާތަނަށް އެއްވެސް ވަރަކަށް މަޝްވަރާކުރެވި އަދި ދަތުރު ކުރުމަށް އެއްވެސް އެއަރލައިނަކަށް ހުއްދަ ދީފައިވެސް ނުވާކަމަށެވެ.
އަދި ވައިގެ ދަތުރުފަތުރުގެ ޙިދުމަތް ދިނުމާއި ގުޅޭ އެއްވެސް އެއްބަސްވުމެއްގައި ސޮއިކޮށްފައިވާ ނުވާ ކަމަށާއި ދިވެހި ސަރުކާރުން މިފަދަ ހުއްދައެއް ދިނުމަށް ވިސްނާފައިވެސް ނުވާކަމަށް ޓްރާންސްޕޯޓް މިނިސްޓްރީގެ ބަޔާނުގައިވެއެވެ.
ކޮމެންޓު ފޮނުވާ