ކަފާލާތުގެ ދަށުންވެސް ޕާލް ދުލެއްނުކުރި

ކަފާލާތުގެ ދަށުންވެސް ޕާލް ދުލެއްނުކުރި

މަޝްހޫރު ޓީވީ ތަރި ޕާލް ވީ ޕޫރީ ވަނީ 2019 ވަނަ އަހަރު ފިލްމު ވަސާލީގެ ސެޓުގައި ކުޑަކުއްޖަކާ ބެހުުމުގެ މައްސަލާގައި ހައްޔަރު ކޮށްފަ އެވެ. ޕާލް ހައްޔަރު ކޮށްފައިވަނީ މިމަހުގެ ހަތަރުވަނަ ދުވަހުގައެވެ. އޭނާ ބަންދުގައި ކުރީ ކަސްޓޯޑިއަލް ޖަލެއްގައެވެ.

ޕާލް ކަފާލާތު ދަށުން ވެސް ދޫނުކޮށް އޭނާ ބަންދުގައި ބަހައްޓަން ވަސާއީ ކޯޓުން ނިންމި ނިންމުން ހުކުރު ދުވަހު ވަނީ ދަމަހައްޓާފަ އެވެ. މައުލޫމާތު ލިބިފައިވާ ގޮތުގައި ޕާލް ޖިންސީގޯނާ ކޮށްފައިވާކަމަށް ބުނެފައިވަނީ ބަތަލާ އެކްތާ ކޯލްގެ 5 އަހަރުގެ ދަރިފުޅެވެ.

ޖޫން 07 ވަނަ ދުވަހު އެކްޓަރު ވަނީ އޭނާގެ އަމިއްލަ ބެއިލްއަށް އެދިފައެވެ. އެ މައްސަލަ ބެލުމަށް ހަމަޖެއްސީ ޖޫން 12 ވަނަ ދުވަހު އެވެ. އެހެންނަމަވެސް ދިމާވި މައްސަލައަކާއި ގުޅީގެން މައްސަލަ ބެލުންވަނީ ލަސްކުރެވިފައެވެ. އެގޮތުން މި އަޑުއެހުން ވަނީ މިއަދަށް ތާވަލްކޮށްފަ އެވެ.

ގިނަ ޑްރާމާތަކަކުން އާންމުންގެ މަގުބޫލުކަން ހޯދާފައިވާ ޕާލް ވީ ޕޫރީ ހައްޔަރު ކުރުމުން އޭނާގެ ދިފާއުގައި ވަރަށް ގިނަ ފަންނާނުން ވަނީ ތެދުވެފައެވެ. އެގޮތުން ދިވްޔާ ކޯސްލާ ކުމާރް، އެކްތާ ކަޕޫރު، ސުރްބީ، ނިޔާ ޝަރްމާ މި ލިސްޓުގައި ހިމެނެއެވެ.

މި މައްސަލާގައި ހިމެނޭ ކުއްޖާހެ މަންމައާ ހަވާލާދީ އެކްތާ ބުނެފައި ވަނީ ހިނގާފައި އެވާ ކަމަކާ ޕާލްއާ އެއްވެސް ގުޅުމެއް ނެތް ކަމަށެވެ. އަދި އެއީ އެ ކުއްޖާގެ ބައްޕަ ފަތުރައިގެން އުޅޭ ވާހަކަތަކެއް ކަމަށާއި އެ ކުއްޖާގެ ބައްޕަގެ މަގްސަދަކީ މަސައްކަތްކުރާ މަންމަ އަކަށް ދަރީން ނުބެލޭނެކަން ސާބިތުކޮށްދީ ދަރިފުޅު އަތުލުން ކަމަށްވެސް މަންމަ އާއި ހަވާލާދީ އެކްތާ ވަނީ ބުނެފައެވެ.

އެކްތާގެ މި ވާހަކަތައް ދޮގުކޮށް ފުލުހުން ބުނަނީ ޕާލްއާ ދެކޮޅަށް ހެކި ލިބިފައި ވާކަމަށެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *