"އިޝަކްޒާދޭ" އިން ފެނިގެން ދިޔަ ޕަރީނިތީ ޗޯޕްރާ ދުވަސްތަކަށްފަހު އަނެއްކާ ވެސް ފެނިގެންދިޔައީ އަރުޖުން ކަޕޫރު އާއި އެކުގައި ފިލްމު "ސަދީޕް އޮރް ޕިންކީ ފަރާރް" އިންނެވެ. މި ފިލްމުގައި ޕަރީނިތީ އަދާކުރި ރޯލު "ސޭންޑީ" ވަނީ ވަރަށް ގިނަ ބަޔަކަށް ކަމުގޮސްފަ އެވެ.
ބުރަ މަސައްކަތާއި ކޮރޯނާ ވައިރަސްގެ ލޮކްޑައުންގެ ގިނަ ދުވަސްތަކެއް މުމްބާއީގައި ހުރި އޭނާގެ ގޭގައި ހޭދަކުރުމަށްފަު ޕަރީނިތީ ވަނީ މިހާރު ޗުއްޓީއެއް ނަގާފައެވެ. 32 އަހަރުގެ ޕަރީނީތީ ދަނީ އޭނާގެ މި ޗުއްޓީގައި ނަގަމުންދާ ބައެއް ފޮޓޯތައް އިންސްޓްގްރާމުގައި ހިއްސާ ކުރަމުންނެވެ. އަދި ފޭނުން ދަނީ މި ފޮޓޯތަކަށް ނުހަނު ތައުރީފު ވެސް ކުރަމުންނެވެ.
View this post on Instagram
އެގޮތުން އެންމެ ފަހުން އޭނާ ހިއްސާކޮށްފައިވަނީ ތުރުކީގެ ބީޗުގައި ނަގާފައިވާ ހިތްގައިމު ފޮޓޯއެެކެވެ. މި ފޮޓޯގައި ޕަރީ ފެނިގެންދަނީ ކަޅުކުލައިގެ ބިކިނީއެއްގަ އެވެ.
މި ފޮޓޯއަށް ދަނީ ވަރަށް ގިނަ ބެލުންތެރިންގެ ލޮތްބާއި ކޮމެންޓްތައް ލިބެމުންނެވެ. މީގެ ތެރެއިން ވެސް އެންމެ ފާހަގަ ކޮށްލެވެނީ ޕްރިޔަންކާ ޗޯޕްރާ ކޮށްފައިވާ ކޮމެންޓެވެ.
ޕަރީނިތީގެ ދެބެންގެ ދެދަރި ދައްތަ ޕްރިޔަންކާ ކޮމެންޓްކޮށްފައި ވަނީ "އަހަރެން ވަރަށް ޖެލަސްވޭ" މިހެންނެވެ. މިވަގުތު ޕްރިޔަންކާ ހުރީ އޭނާގެ ކުރިއަށްއޮތް ސްޕައި ވެބް ސީރީސްގެ ޝޫޓިންގައި ލަންޑަންގަ އެވެ.
