އިންޑިއާގެ މަޝްހޫރު ޓީވީ އެކްޓަރު ޕާލް ވީ ޕޫރީ ކުޑަ ކުއްޖަކު ރޭޕްކުރި ކަމުގެ ތުހުމަތުގައި މިދިޔަ ހަފްތާގައި ވަނީ ހައްޔަރުކޮށްފަ އެވެ. މިދިއަ ހޮނިހިރު ދުވަހު ފުލުހުން ވަނީ މިކަން ކަށަވަރު ކޮށްދީފައެވެ.
ފުލުހުން ކޮށްފައިވާ ޓްވިޓެއްގައި ވަނީ ޕާލް ހައްޔަރު ކޮށްފައިވަނީ ކުޑަކުދިންގެ ހައްގުތައް ރައްކާތެރިކޮށްދިނުމުގެ ގާނޫނުގެ ދަށުން އައިޕީސީ އަދި ޕީއޯސީއެސްއޯގެ 376 ވަނަ މާއްދާގެ ދަށުންނެވެ. ޕާލް ހައްޔަރު ކޮށްފައިވަނީ ވަސާރީ ގެ ވާވިލް ޕޮލިސްޓޭޝަނުންނެވެ. އަދި މައްސަލަ ތަހުގީގު ކުރުމަށް 14 ދުވަހުގެ ބަންދުގެ މުއްދަތު ވަނީ ޖަހާފައެވެ.
Television actor Pearl Puri has been arrested by Waliv and Mumbai police. He was arrested in connection with the rape of a minor. A case has been registered under Section 376 of IPC & POCSO Act: Mumbai Police
— ANI (@ANI) June 5, 2021
ގިނަ ބައެއްގެ މަގުބޫލު ކަން ހޯދާފައިވާ ޕާލް އެކްޓިންގ ކެރިއަކު ފަށާފައި ވަނީ މޮޑެލިންގެ ގެ ދާއިރާއިންނެވެ. އަދި ހަމަ އެހެންމެ ގިނަ އަދަދެއްގެ އިޝްތިހާރު ތަކުންވެސް 31 އަހަރުގެ މި ތަރި ވަނީ ފެނިގެން ގޮސްފައެވެ.
ޕާލް އަކީ "ނާގިން 3″ އާއި "ބޭޕަނާ ޕިޔާރު" ފަދަ އާންމުންގެ މެދުގައި މަގުުބޫލު ޑްރާމާތައް ކުޅެފައިވާ ހުނަރުވެރި ތަރިއެކެވެ. މި ހަބަރާއި އެކު އޭނާ އާއި އެކު މަސައްކަތް ކުރި ބައެއް މީހުން ވަނީ އޭނާއާ އެއްކޮޅަށް އަޑު އުފުލާފައެވެ. އެފަދަ ކަމެއް ޕާލް ނުކުރާނެ ކަމަށް ބުނެ އޭނާ އާއި އެއްކޮޅަށް ތިބިކަން އެންގުމަށް މި ތަރިންވަނީ ސޯޝަލް މީޑިއާގައި އަޑުފުލާފައެވެ.
View this post on Instagram
އައި ސްޓޭންޑް ވިތް ޕާލް ހޭޝްޓެގް ބޭނުން ކޮށްގެން އޭނާ ގެ ދިފާއުގައި ތަރިން ކޮށްފައިވާ ޕޯސްޓުތަކުގައި ވަނީ އެއީ އެއްވެސް ހަގީގަތެއް ނެތް ދޮގު ޚަބަރު ތަކެއް ކަމަށް ބުނެފައެވެ. އޭގެ ތެރޭގައި ޕްރޮޑިއުސަރ އެކްތާ ކަޕޫރުވެސް ހިމެނެއެވެ. މި މައްސަލާގައި ހިމެނޭ ކުއްޖާހެ މަންމައާ ހަވާލާދީ އެކްތާ ބުނެފައި ވަނީ ހިނގާފައި އެވާ ކަމަކާ ޕާލްއާ އެއްވެސް ގުޅުމެއް ނެތް ކަމަށެވެ. އަދި އެއީ އެ ކުއްޖާގެ ބައްޕަ ފަތުރައިގެން އުޅޭ ވާހަކަތަކެއް ކަމަށާއި އެ ކުއްޖާގެ ބައްޕަގެ މަގްސަދަކީ ވަޒީފާ އަދާކުރާ މަންމަ އަކަށް ދަރީން ނުބެލޭނެކަން ސާބިތުކޮށްދީ ދަރިފުޅު އަތުލުން ކަމަށްވެސް މަންމަ އާއި ހަވާލާދީ އެކްތާ ވަނީ ބުނެފައެވެ.
View this post on Instagram
އެހެންނަމަވެސް މި ވާހަކަތައް ދޮގުކޮށް ފުލުހުންގެ ޑީސީޕީ ސަންޖޭ ކުމާރު ޕަޓެލް ބުނެފައިވަނީ ޕާލް ވީ ޕޫރީއާ ދެކޮޅަށް ހެކި ލިބިފައިވާކަމަށެވެ. މި ކަމާގުޅޭ އިތުރު ތަފްސީލުތަށް ފުލުހުން ހާމަކޮށްފައިއެއް ނުވެއެވެ.
އާދިއްތަ ދުވަހު ވަނީ އެކްތާ ކަޕޫރާއި ރޭޕް ކުރި ކަމަށް ބުނާ ކުއްޖާގެ މަންމަ ގެ އޯޑިއޯ ކްލިޕެއް ސޯޝަލް މީޑިއާގައި ވައިރަލް ވެފައެވެ.
