ކަރީނާ ކަޕޫރް ޚާން ވަނީ އޭނާގެ އިންސްޓަގްރާމް މެދުވެރިކޮށް ހޯމަ ދުވަހުގެ މެންދުރުގެ ކެއުން ބެލުންތެރިންނާއި ހިއްސާކޮށްފަ އެވެ. އޭނާ މި ފޮޓޯ ހިއްސާކޮށްފައިވަނީ އިންސްޓަގްރާމު ސްޓޯރީގައެވެ.
މި ފޮޓޯއިން ފެންނަނީ ކެރެލާ ސްޓައިލް ރަތް ބަތް އަދި ސާމްބަރ އެެވެ. މިއާއި އެކުގައި އަވިޔާލްވެސް ހުއްޓެވެ. މި ކެއުން ތައްޔާރު ކޮށްފައިވަނީ ކެޔޮފަތެއްގެ މަތީގައެވެ.
މި ކެއުން ތައްޔާރު ކޮށްފައިވަނީ ކެރަލާ ކުއިސީން ތައްޔާރު ކުރުމުގެ މާހިރެއް ކަމަށްވާ މަރީނާ ބަލަކިރިޝްނަން އެވެ. މި ފޮޓޯ ހިއްސާ ކުރަމުން ކަރީނާ ބުނެފައިވަނީ މިއީ އޭނާއަށް އެންމެ ކަމުދާ ކެއުން ކަމަށެވެ.
ކަރީނާ ކަޕޫރަކީ ކާއެއްޗެއްސަށް ވަރަށް ލޯބިކުރާ ފަންނާނެކެވެ. އެގޮތުން އޭނާވަނީ ކައްކާ ޝޯއެއްގައި ގޯމެޓް ޕިއްޒާއެއްވެސް އަޅާފައެވެ. ހަމަ އެހެންމެ އޭނާ ބުނެފައިވަނީ އޭނާ ބަނޑުބޮޑު އިރު އެންމެ ކާހިއްވީ އިޓާލިއަން ކެއުންކަމަށެވެ.
މަސައްކަތަށް ބަަލައިލާއިރު ކަރީނާ ދެން ފެނިގެންދާނީ އާމިރް ޚާނާއެކު "ލާލް ސިންގ ޗައްޑާ" އިންނެވެ.
