ފުރަބަންދުގައި ގޭތެރޭގައި ކޮންމެހެން ހުންނަން ޖެހޭ ތަކެތީގެ ލިސްޓެއް މާދުރީ ޑިކްޝިޓް ވަނީ ވީޑިއޯއެއްގެ ޒަރިއްޔާއިން ބެލުންތެރިންނާއި ހަމަޔަށް ގެނެސްދީފައެވެ. އެގޮތުން އޭނާ މި ވީޑިއޯ ހިއްސާކޮށްފައިވަނީ އިންސްޓަގްރާމުގައެވެ.
މިވީޑިއޯގައި އޭނާ ވަނީ ތާމޯމީޓާ، އަންގި، އޮކްސިމީޓާ، ސެނިޓައިޒާ، އަދި މާސްކު އެއީ ކޮންމެހެން ބޭނުންވާ އެއްޗެހިކަމަށް ބުނެފައެވެ. އަދި ގޭގައި ތިބެގެން ކޯވިޑް 19 އިން ރައްކާތެރިވުމަށް ބޭނުންކުރެވިދާނެ ތަކެތިކަމަށް ވެސް އޭނާ ވަނީ ބުނެފައެވެ. މި ލިސްޓުގައި ހިމެނޭ ތަކެތީގެ ބޭނުން ހިފާނެ ގޮތްވެސް މާދުރީ ވަނީ ކިޔައިދީފަ އެވެ. އަދި މީގެ އިތުރުން މި ތަކެތީގެ މުހިއްމުކަން ވެސް އޭނާ ވަނީ ބަޔާންކޮށްފަ އެވެ.
View this post on Instagram
މަސައްކަތަށް ބަލާއިރު މާދުރީ އެންމެ ފަހުން ފެނިގެން ގޮސްފައިވަނީ ޑާންސް ދީވާނޭގެ އާސީޒަންގެ ޖަޖެއްގެ ގޮތުގައެވެ.
މި ޕެންޑަމިކްގެ ތެރޭގައިވެސް ޝޯގެ ބައެއް އެޕިސޯޑުތައް ވަނީ ޝޫޓް ކޮށްފައެވެ. އެހެންނަމަ ވެސް މާދުރީ ވަނީ ބައެއް އެޕިސޯޑުތަކަށް ހާޒިރުނުވެވޭނެ ވާހަކަ އަންގާފައެވެ. މާދުރީ ނުފެންނަ އެޕިސޯޑުތަކުށް އޭނާގެ ބަދަލުގައި ފެނިގެންދިޔައީ ނޯރާ ފަތޭހީއެވެ.
