10 އަހަރު ދުވަހު އެކުގައި އުޅުމަށްފަހު އިންޑިއާގެ ޓީވީ ތަރިންގެ ތެރޭ ފާހަގަކޮށްލެވޭ ޖޯޑެއް ކަމަށްވާ ޕޫޖާ ގޯރް އާއި ރާޖް ސިންގ އަރޯރާ ވަނީ 2020 ވަނަ އަހަރުގެ ޑިސެމްބަރުމަހު ވަކިވެފަ އެވެ.
ވަރަށް ފަހުން ދިން އިންޓަވިއުއެއްގައި ވާހަކަ ދައްކަމުން ޕޫޖާ ބުނެފައިވަނީ ރާޖް އަކީ އޭނަގެ އާއިލާ ކަމަށެވެ. އަދި އެ ދެމީހުން އަބަދުވެސް ތިބޭނީ ރައްޓެހިންގެ ގޮތުގައި ކަމަށެވެ. މީގެ އިތުރުން ކޯވިޑްގެ ސަބަބުން ދަތުރު ކުރުމަށް ފިޔަވަޅު އަޅާފައިވީ ނަމަވެސް ޕޫޖާ ވަނީ ރާޖް އޭނާގެ އާއިލާ ކައިރިއަށް ޔޫއެސްއަށް ދިޔުމަށްވެސް އެހީތެރިވެދީފަ އެވެެ.
ކުރީގެ ލޯބިވެރިން ރައްޓެހިންގެ ގޮތުގުއި ނުތިބޭނެ ކަމަށް ބުނާ ބުނުމަށް ޕޫޖާ ބުނެފައިވަނީ އޭނާ އަދި ރާޖް އެކުގައި އުޅޭތާ 11/12 އަހަރު ވެދާނެ ކަމަށާއި މިހާ ދުވަހު އެކުގައި އުޅުމުން ދެމީހުންގެ މެދުގައި އުފެދިފައިވަނީ ވަރަށް ޚާއްސަ ގުޅުމެއް ކަމަށެވެ. އިތުރަށް ވާހަކަ ދައްކަމުން ޕޫޖާ ބުނެފައިވަނީ ދެމީހުންނަކީ ވެސް މެޗުއާ މީހުން ކަމަށާއި ދެމީހުންގެ ދެމެދުގައި އެއްވެސް ރުޅިވެރި ކަމެއް ނެތް ކަމަށެވެ.
View this post on Instagram
މިދިޔަ އަހަރު މި ދެތަރިން ވަކިވި ޚަބަރު ބެލުންތެރިންނާއި ހަމައަށް ގެނެސްފައިވަނީ ޚުދު ޕޫޖާ އަމިއްލައަށެވެ. އޭނަ ބުނެފައިވަނީ މި ނިންމުމަކީ ދެމީހުން އެކުގައި ނިންމި ނިންމުމެއް ކަމަށާއި އަދި މި ނިންމުމުގެ ސަބަބުން ދެމީހުންގެ އެކުވެރިކަމަކަށް އެއްވެސް ބަދަލެއް ނާންނާނެ ކަމަށެވެ.
އަދި ހަމަ އެހެންމެ އޭނާއާއި ރާޖްއާ ދެމެދުގައި އޮތް ލޯތްބާއި އިހުތިރާމަށް ވެސް އެއްވެސް ބަދަލެއް ނާންނަ ކަމަށް ވެސް ޕޫޖާ ވަނީ ބުނެފައެވެ.
