ކޯވިޑް19 އިން ރައްކާތެރިވުމަށް އަޅާފައިވާ ފިޔަވަޅުތަކާއި ގައިޑްލައިންތަކާއި ހިލާފަށް ކޮމޭޑިއަން ސުގަންދާ މިޝްރާގެ ކައިވެނީގެ ރަސްމިއްޔާތުތައް ބޭއްވި މައްސަލަ ތަހުގީގުކުރަން ފަށައިފި އެވެ.
ސުގަންދާ އާއި ޑރ. ސަންކެތު ބޯސްލޭގެ ކައިވެނި ބާއްވާފައިވަނީ މިދިޔަ މަހުގެ 26 ވަނަ ދުވަހު ޕަންޖާބުގެ ރިސޯޓެއްގައެވެ. އަދި މި ދެމީހުންގެ ކައިވެނި ވަނީ ވަރަށް ކުލަގަދަކޮށް ފާހަގަ ކޮށްފައެވެ.
ކައިވެނީގެ ފޮޓޯތަކާއި ވީޑިއޯތައް ވަނީ މީސްމީޑިއާގައި ހިއްސާ ކޮށްފައިވެ. ކައިވެނީގެ ހަފްލާގެ މައްސަލަ ބޮޑުވެފައިވަނީ އެ ހަފްލާގެ ތެރެއިން ނަގާފައިވަ ވީޑިއޯއެއް އާންމުވުމާގުޅިގެންނެވެ. މިވީޑިއޯގައި ކައިވެނި ހަފްލާއަށް ގިނަ އަދަދެއްގެ ބަޔަކު އެއްވެފައި ވާކަން ވަނީ ހާމަވެފައެވެ. ޕަންޖާބްގެ ސަރުކާރުން އެކުލަވާލާފައިވާ ގައިޑްލައިންގައި ވާގޮތުން މިފަދަ ހަފްލާއަކަށް އެއްވެވޭނީ ގިނަވެގެން10 މީހުނަށެވެ.
މިއާއެކުގައި ދެފަރާތުގެ އާއިލާ އާއި ކައިވެނި ބޭއްވި ރިސޯޓުގެ ވެރިފަރާތް އަދި ހާޒިރުވި މެހެމާނުން ވަނީ ކޮވިޑް 19 އާއި ގުުޅިގެން އަޅާފައިވާ ފިޔަވަޅުތަކާއި ޚިލާފުވުމުން ކުއްވެރިވެފަ އެވެ.
View this post on Instagram
މި މައްސަލައިގެ ތަހުގީހު މިހާރު ޕަންޖާބް ފުލުހުން ކުރަމުންގެންދިޔަ ނަމަވެސް އަދި މިހާތަނަށްއެއްވެސް ފަރާތެއް ހައްޔަރު ކޮށްފައެއް ނުވެއެވެ.
ކަން މިހެން ހުރިނަަމަ ވެސް ސުގަންދާ އާއި ސަންކެތު ގެންދަނީ މި ދެމީހުންގެ ކައިވެނީގެ ފޮޓޯތައް ބެލުންތެރިންނާއި ހިއްސާކުރަމުންނެވެ. އަދި މި މައްސަލައާ ގުޅޭގޮތުން މި ދެމަފިރިންގެ އަދި މިހާތަނަށް އެއްޗެއް ބުނެފައެއް ނުވެއެވެ.
