ހީނާ ޚާންގެ ބައްޕަ މަރުވުމުން އޭނާ ބޭނުންވަނީ ސޯޝަލް މީޑިއާއި ދުރުގައި އުޅުމަށްކަމަށް ވަނީ ބުނެފަ އެވެ. އެހެންނަމަ ވެސް އޭނާގެ ހުރިހާ އެކައުންޓެއް އޭނާގެ ޓީމުން ބަލަމުން ދާނެ ކަމަށް ވެސް ހީނާ ޚާންވަނީ ބުނެފަ އެވެ.
އެންމެ ފަހުން އިންސްޓަގްރާމުގައި ހިއްސާ ކުރި ޕޯސްޓުގައި ހިނާ ޚާން ވަނީ އޭނާގެ ބައްޕައަށް ހެޔޮދުއާ ކުރި އެންމެނަށް ވެސް ޝުކުރު އަދާކޮށްފަ އެވެ. މީގެ އިތުރުން މި ހިތާމަވެރި ވަގުތުގައި އޭނާ ބޭނުންވަނީ އާއިލާ އާއި އެކުގައި އެކަކު އަނެކަކަށް ހިތްވަރު ދިނުމުގައި ހޭދަ ކުރަން ކަމަށް ވަނީ ބުނެފައެވެ. އޭނާ ސޯޝަލް މީޑިއާއިން "ބްރޭކް"އެއް ނެގިޔަސް އޭނާގެ ޓީމުން މުހިއްމު ކަންތައްތައް އިއުލާން ކުރާނެކަމަށް ވެސް ހިނާ ވަނީ ބުނެފަ އެވެ.
View this post on Instagram
ހިނާ ޚާންގެ ބައްޕަ އަސްލަމް ޚާން މަރުވެފައިވަނީ މިދިޔަ ހޮނިހިރު ދުވަހުއެވެ. އަސްލަމް ޚާން މަރުވެފައިވަނީ ހާޓް އެޓޭކެއް ޖެހިގެންނެވެ. މި ހިތާމަވެރި ހާދިސާ ހިނގާދިޔަ އިރު ހިނާ ހުރީ ކަޝްމީރުގައެވެ.
އަދި މި ޚަބަރު އަޑު އިވުމާއި އެކުގައި އޭނާވަނީ މުމްބާއީއަށް އެނބުރި އައިސްފައެވެ. އާއިލާގެ އެހެން މެމްބަރުންނަށް ވުރެވެސް ބޮޑަށް ހިނާ ގާތީ އޭނާގެ ބައްޕައާއި ކަމުން މިއީ ހިނާއަށް ވަރަށްވެސް ހިތްދަތި ދުވަސްކޮޅެކެވެ.
