ބެލުންތެރިން އެންމެ އިންތިޒާރު ކުރަމުންގެންދާ ސަލްމާން ޚާންގެ ފިލްމު "ރާދޭ : ޔުއާ މޯސްޓް ވޯންޓެޑް ބާއީ" ރިލީސް ކުރަން ހަމަޖެހިފައިވަނީ ޢީދާއި ދިމާކޮށް އަންނަ މެއި މަހުގެ 13 ވަނަ ދުވަހުއެވެ. މި ފިލްމު ޑައިރެކްޓު ކޮށްފައިވަނީ ޕްރަބޫ ދޭވާއެވެ.
މި ފިލްމުގެ ޓްރެއިލާ އިއްޔެ ވަނީ ދައްކާލާފައެވެ. ޓްރެލާއިންވެސް ފެންނަގޮތުގައި މިފިލްމަކީ ސަލްމާންގެ ފިލްމުތަކަށް އިންތިޒާރުކުރާ ފަރާތްތައް ބޭނުންވާފަދަ ހުރިހާ ރަހަތަކެއް ހެޔޮވަރު ފިލްމެކެވެ.
މި ފިލްމު މެއި 13ގައި ރިލީސް ކުރަން ހަމަޖެހިފައިވީ ނަމަވެސް އިންޑިއާގައި ކޯވިޑް 19ގެ ހާލަތު މިހާރު ގޯސްވަމުންދާ މިންވަރަށް ބަލައި މި ތާރީޚު ލަސްކުރުމަކީ ހަމަ އެކަށީގެންވާ ކަމެކެވެ. އެގޮތުން އިންޑިއާގައި ކޮވިޑް ކޭސްތައް އިތުރުވުމާއި ގުޅިގެން މިހާރު ވަނީ ފިލްމު ޝޫޓިންގ ތަކާއި އެނޫންވެސް އެއްވުންތައް ނުބާއްވަން އަންގައި ފިޔަވަޅުތައް ވަރުގަދަކޮށްފަ އެވެ.
މި ފިލްމު ރިލީސްކުރަން ހަމަޖެހިފައި ވަނީ ހަމައެކަނި އިންޑިއާއަކު ނޫނެވެ. މި ފިލްމުގައި ސަލްމާން ޚާންގެ އިތުރުން ދިޝާ ޕަޓާނީ އަދި ޖެކީ ޝްރޮފްވެސް ފެނިގެން ދާނެއެވެ. ސަލްމާނެގެ ފިލްމީ ދިގު ކެރިއަރގައި ފުރަތަމަފަހަށް އޮން-ސްކްރީން ކިސްއެއް ހިމަނާފައިވަނީ ވެސް މި ފިލްމުގައެވެ.
