ދިއާ މިރްޒާ އާއި ވައިބަވް ރޭކީ ވަނީ މި ދެމީހުންގެ "ސަސްޓެއިނަބަލް" ކައިވެނި ޕްލޭން ކޮށްފައިވާ ގޮތް ބެލުންތެރިންނާއި ހިއްސާކޮށްފަ އެވެ. ދިއާ އާއި ވައިބަވް ކައިވެނި ކޮށްފައިވަނީ މިދިޔަ ފެބްރުވަރީ މަހުގައެވެ. އަދި މިދިޔަ މަހު ދިއާ ވަނީ އޭނާ ބަނޑުބޮޑުކަން އިއުލާން ކޮށްފަ އެވެ.
ދިއާ ބުނެފައިވަނީ އަގުބޮޑެތި ހަދިޔާ ގަތުމުގެ ބަދަލުގައި އެމީހުން ބޭނުންކުރީ އަތުން ހަދާފައި ހުރި ހަދިޔާ ކަމަށެވެ. މިގޮތަށް ކަންތައް ކުރުމުން އިސްރާފު ވުމުގެ ބައި ވަރަށް ބޮޑަށް ކުޑަވިކަމަށް ވެސް ދިއާ ވަނީ ބުނެފައެވެ.
އަދި އެ ދެމީހުންގެ ކައިވެނި ތީމް އަކީ "އާތީ ވެޑީން" އަށް ވުމާއި އެކު ތަން ޒީނަތްތެރި ކުރުމަށް ވެސް ބޭނުން ކޮށްފައިވަނީ ގޭގައި އަދި ގުދުރަތުން ލިބެން ހުރި އެއްޗެހި ކަމަށް ވެސް ދިއާވަނީ ބުނެފަ އެވެ.
View this post on Instagram
އެއްވެސް ގޮތަކަށް ކާނާ އިސްރާފު ނުކުރުމަށް ކައިވެންޏަށް އައި މެހެމަނުންގެ ތެރެއިންވެސް ވެޖިޓޭރިއަން އަދި ނޮން ވެޖީޓޭރިއަން ކިތަށް މީހުންތޯ ބަލައި އެ އަދަދަށް ކާއެއްޗެހި ތައްޔާރު ކުރިކަމަށްވެސް ދިއާ ވަނީ ބުނެފައެވެ. އަދި ހަމައެހެންމެ ގަހަނާ އާއި އެހެނިހެން ޒީނަތްތެރިވުމަށް ބޭނުން ކުރި އެއްޗެއްސަކީ ހަމަ ދެވަނަ ފަހަރަށް ވެސް ބޭނުން ކުރެވޭނެ ތަކެތި ކަމަށްވެސް ދިއާ ވަނީ ބުނެފަ އެވެ.
މިއީ މި ދެމަފިރިން އިސްރާފު ކުރުމަކާއި ނުލާ ކައިވެނި ޕްލޭންކޮށް ކުރިއަށް ގެންދިޔަ ގޮތެވެ.
